隨心 (Moved) New Location

今日係鰂魚涌放工，係海光街見到一間叫做「隨心」既餐廳，好奇心入去望望餐牌，就發現係一間主打喇沙同埋海南雞既新加坡餐廳，於是就入左去試一試，價錢方面係商業區黎講尚可接受，而店舖闊落，有兩邊間隔，食客亦都絡繹不絕；於是就叫左帆立貝喇沙同埋新加坡炒貴叼，而飲品方面就叫左冰雪梨茶同埋柚子茶；剛剛落完單唔夠5分鐘，食物同飲品已經陸續送上，最初以為食物咁快手送到，就會唔夠入味，不過食落就完全唔同感覺，十分地道既新加坡喇沙味道，而貴叼亦都十分入味，帆立貝同蝦亦都大大隻，十分滿足，值得再次幫襯。