Video
Read full review
2016-05-06
6012 views
在FB見到呢度有個新出嘅「韓國龍蝦海鮮盤」，我地一行6人（4大兩小），預早已電話訂左呢個海鮮盤，侍應好好人等我地人齊就馬上起菜。嘩！個海鮮盤一出場，即時嘩聲四起！好大盤呀！(話說裡面有十款海鮮)嘩...嘩...嘩...隻鮑魚郁架！嘩...隻龍蝦郁架！跟住侍應幫忙倒d龍蝦湯落去，我覺得有點殘忍架，但海鮮係要生歐歐先會好味架嘛！(不過, 亞妹就在旁邊講:好變態呀! )D野郁郁下架喎，咁味道當然係鮮到了不得啦！ 裡面話有10款野,蝦 : D肉實嘅, 彈牙蜆(細) : 鮮甜花甲(大) : 夠晒大隻, 又鮮甜象拔蚌(同埋唔知咩蚌) : 細size黎嘅, 可能我地滾得耐左, 有少少un 鮑魚 : 新鮮彈牙青口 : 新鮮, 味道ok (我不嬲都唔識欣賞青口, 但呢個係唔錯的)螺 : (好似花螺) 最尾先撈佢上黎食, 味道ok架 龍蝦 : 落左湯之後, 侍應會幫我地夾起隻龍蝦, 跟住再切件。所有野食到7788之後, 先再放返個龍蝦落去再煮嘅。龍蝦係活的, 比起外面酒樓果d龍蝦伊面真係好食好多, d肉鮮甜有彈性, 個龍蝦挾有我女個拳頭咁大, 啖啖肉, 真係好爽。我自己就最鐘意個帶子同龍蝦 呢
嘩！個海鮮盤一出場，即時嘩聲四起！好大盤呀！(話說裡面有十款海鮮)
嘩...嘩...嘩...隻鮑魚郁架！嘩...隻龍蝦郁架！
韓國龍蝦海鮮盤
$988
282 views
0 likes
0 comments
D野郁郁下架喎，咁味道當然係鮮到了不得啦！
裡面話有10款野,
蝦 : D肉實嘅, 彈牙
蜆(細) : 鮮甜
花甲(大) : 夠晒大隻, 又鮮甜
象拔蚌(同埋唔知咩蚌) : 細size黎嘅, 可能我地滾得耐左, 有少少un
鮑魚 : 新鮮彈牙
青口 : 新鮮, 味道ok (我不嬲都唔識欣賞青口, 但呢個係唔錯的)
螺 : (好似花螺) 最尾先撈佢上黎食, 味道ok架
龍蝦 : 落左湯之後, 侍應會幫我地夾起隻龍蝦, 跟住再切件。所有野食到7788之後, 先再放返個龍蝦落去再煮嘅。龍蝦係活的, 比起外面酒樓果d龍蝦伊面真係好食好多, d肉鮮甜有彈性, 個龍蝦挾有我女個拳頭咁大, 啖啖肉, 真係好爽。
我自己就最鐘意個帶子同龍蝦
呢盤野分量唔少, 食到最尾喇, 裡面仲有唔少湯汁，侍應哥哥話可以加飯/面條/年糕落去架！我地認為飯係會最索湯嘅，最後決定加左一碗白飯
Hee Hee....個粥好好味呀！但好飽播.....所以, 最後食淨少少啦！
本來想食完海鮮盤再叫份炸雞或者燒下牛肉，但都放棄了！
其實除返開人頭計，好抵食囉！又好味！
另外，大人飲左覆盆子酒，甜甜地唔錯, 我地飲左兩支！
小朋友叫左柚子梳打, 反而就普普通通!
服務: 唔錯嘅, 可能果日平日比較少人, d員工都好快手快腳。
環境: 我地坐係落地玻璃旁邊, 感覺都幾開揚嘅。
Post
