相馬日式火鍋 (Closed)

放假同男朋友出嚟拍拖，順便搵食🤭俾我哋喺OpenRice搵到一間屋企附近嘅相馬日式火鍋店，見網上好評都唔錯，所以就過嚟試吓行入去餐廳門口，已經見到燈光好特別，全部以吊燈裝置，俾人好舒服嘅感覺。而且卡位大坐得舒適👍海鮮拼盤，入面有日本帶子，帶子非常厚身。廣島蠔🦪，肉質飽滿，海水味重。而蟹棒好爽口，唔會淋。虎蝦每一隻都好生猛，好大隻🦐🦐青口，蜆，螺，全部都好新鮮，食到停唔到口😋😋日本鹿兒島黑豚肉，油花分布平均，而且非常簿片，放入中華辣湯底碌幾秒，果然好好味，入口即溶，男朋友讚不絕口👍👍雞翼，選擇非常之多，款款口味都香脆可口，滋味無窮😋😋整體來講，今次體驗非常之好，男朋友已經話下星期會再過嚟食