Read full review
2020-08-04
397 views
抗疫時期嗌下外賣支持小店先💛古月係北角錦屏街後街嘅其中一間餐廳,食星馬菜,連續五屆獲得米芝蓮必比登推介架!頸青豬飯個名幾趣致,其實就係娘惹咖喱豬頸肉飯。咖喱帶有椰香,食落唔辣但好惹味,唧啲青檸汁味道更加提升;豬頸肉薄切同腍身,面頭仲有煮到焦糖化嘅酸辣洋蔥同炸蒜,撈飯一流食完都仲回味緊呢~蝦麵非常足料,有齊海蝦、叉燒、魚丸、肉丸、魚片、豆卜,蝦湯微辣鮮味十足,麵條幾彈牙,就算放咗一陣都唔會黐埋一餅咁。馬來拉茶有得揀斑蘭或玉桂味,不過可能外賣嘅關係就唔係好飲得出,當普通拉茶嚟講都唔錯嘅~
古月係北角錦屏街後街嘅其中一間餐廳,食星馬菜,連續五屆獲得米芝蓮必比登推介架!
頸青豬飯個名幾趣致,其實就係娘惹咖喱豬頸肉飯。咖喱帶有椰香,食落唔辣但好惹味,唧啲青檸汁味道更加提升;豬頸肉薄切同腍身,面頭仲有煮到焦糖化嘅酸辣洋蔥同炸蒜,撈飯一流食完都仲回味緊呢~
蝦麵非常足料,有齊海蝦、叉燒、魚丸、肉丸、魚片、豆卜,蝦湯微辣鮮味十足,麵條幾彈牙,就算放咗一陣都唔會黐埋一餅咁。
馬來拉茶有得揀斑蘭或玉桂味,不過可能外賣嘅關係就唔係好飲得出,當普通拉茶嚟講都唔錯嘅~
153 views
0 likes
0 comments
Post