台灣郎 (Closed)

呢排多左時間係屋企附近食晏，見台灣郎開左一陣都未去過，見唔洗排隊就入去試下佢地既set lunch，以午餐而言68蚊係一個中上既價錢，不過勝在選擇多。68蚊既set lunch分吃可以係前菜，主菜同埋飯麵中各揀一款，另外重有餐飲。第一次試佢地既午餐我就分別揀左薯仔沙律，烤雞扒同埋肉燥飯，而餐飲就揀左珍珠奶茶。先講薯仔沙律，可以話係合格，薯蓉入面混入左青瓜蘿蔔碎，食起上黎爽口，更加開胃，而主菜烤雞扒味道亦都唔錯，調味啱啱好，最後肉燥飯，佢比起係台灣食既肉燥飯，啲肉燥冇咁肥膩，冇咩肥膏係入面，而且色香味十足，最後加埋杯甜度剛好既珍珠奶茶，呢個午餐真係好滿足，值得下次再去。