台灣郎 (Closed)

極差嘅台灣菜 1. 唔夠員工，服務態度差，對客人呼喝2. 完全無台灣味道，唔講唔知係食緊呵仔煎3. 性價比極低，所謂嘅上湯浸時蔬竟然係濃湯寶😂 hea到等執建議老細去轉台灣先開舖

話說下午茶時間去到，得兩三個客，入去唔只唔理你，仲要用非常仇視眼神望你，好似你入去佢間鋪係你嘅錯！冇見過咁差嘅態度！咁都仲可以生存，真係令人廢解。如果你想無啦啦比人喝，乜都冇做就食一肚氣就去啦。

呢排多左時間係屋企附近食晏，見台灣郎開左一陣都未去過，見唔洗排隊就入去試下佢地既set lunch，以午餐而言68蚊係一個中上既價錢，不過勝在選擇多。68蚊既set lunch分吃可以係前菜，主菜同埋飯麵中各揀一款，另外重有餐飲。第一次試佢地既午餐我就分別揀左薯仔沙律，烤雞扒同埋肉燥飯，而餐飲就揀左珍珠奶茶。先講薯仔沙律，可以話係合格，薯蓉入面混入左青瓜蘿蔔碎，食起上黎爽口，更加開胃，而主菜烤雞扒味道亦都唔錯，調味啱啱好，最後肉燥飯，佢比起係台灣食既肉燥飯，啲肉燥冇咁肥膩，冇咩肥膏係入面，而且色香味十足，最後加埋杯甜度剛好既珍珠奶茶，呢個午餐真係好滿足，值得下次再去。

個女放學之後話要嚟呢度試下，咁就試下啦，入到嚟 個環境都幾好坐得幾舒服，好寬敞…… 店家播放着台灣歌曲， 一邊吃台式肉燥飯， 一邊聽歌，完全感受到台灣風格， 台式肉燥飯個女話幾好食㗎，而且40蚊嘅下午茶又大大碟， 仲有杯珍珠奶茶，好抵食，個女話下次放學之後都要再嚟試吓食吓其他嘢。至於我就冇份食啦，因為我好飽，只係飲咗啲珍珠奶茶，不過味道偏淡咗啲， 不過呢度啲服務員態度幾好，最衰唔餓，如果唔係我都想試吓紅燒牛肉湯麵，唯有等下次有機會再黎試吓啦， 不過一碗紅燒牛肉湯麵要成88蚊一碗都唔平㗎， 所以下次要再嚟試下，睇下值唔值呢個價錢。

午市套餐有前菜、主食、飯、飲品前菜：山葵燒汁野菌，唔覺有辣味，燒汁唔太濃烈，仍保持爽脆入味。北海道烚蛋薯蓉沙律，做法似日式薯蓉，味道ok。主食：鳯梨糖醋魚塊，以為是主食應有一碟正常份量，原來亦似是前菜般小型。魚塊硬乾，麻麻地。72小時慢煑豬軟骨，豬軟骨份量較多少少，炆得軟冧入味。飯類：黑豚肉磨菇醬飯，嘩！飯面超多磨菇，醬汁頗多且畧鹹。台灣魯肉飯，有半隻鹵蛋，魯肉條條分明，深色但味不濃。似乎有味飯的比重最大。飲品蜂蜜薑茶蜂蜜金桔都不太甜。

是日國慶十月一日紅磡附近依舊人山人海所以今天早點找地方吃晚飯位於超級市場附近的台灣郎不用等位，立馬就能安排就座。我們挑了店中間的長枱，座位尚算寬躺和周圍環境整潔乾淨。適逢假日或週未堂食的只有正價餐牌。想吃學生餐/ 特價menu 的就要擇日重賽/在較早時段入座了。或可考慮外賣便當。58元有一款飯和餸。免加一相對較為抵吃。今天我們點了秘制蒜香雞翼（$58有六隻單骨雞翼） 上枱時夠熱夠脆口。略帶微微甜味。挺好吃的。 另外我們也點了蒜泥炒番薯葉，份量夠多。但以小店來說$78 一碟蔬菜不算是吸引的價位。 最後也點了一碗肉燥飯（$35） 肉燥份量不算多，僅蓋飯面，味道不過不失。但其他配料如雜菜和滷蛋則味道一般。

本身其實諗住係去食另外一間台灣菜，但經過發現台灣郎就懶得再行，而且學生有優惠，就決定入去試下新鋪。1.秘制香烤雞排配台南魯肉飯 (hkd52)2.香酥炸醋肉配72小時慢煮豬軟骨飯 (hkd52)雞排幾嫩滑，但調味偏甜。魯肉選用的部位吾錯，有肥有瘦，可以食到吾同的口感，但太鹹而且冇咩汁撈飯。兩樣一齊食就更加突顯出調味的吾合理。滷蛋🥚入味，幾好食。炸醋肉炸過火，肉質變老，有d柴，但醋味突出。另外，豬軟骨同蘿白煮到好軟，好入味，都吾錯。總括黎講，尼間鋪嘅口味吾岩我，亦吾係我係台灣食到嘅味道。

今天來看Kenny處男演唱會 也適逢中秋 可以提早下班來到紅磡不太懂得可以吃什麼就在路口看到這一間台灣菜館進來才知道在港島也有分店的 口碑好像不錯 所以吃之前有點期望一來就要推介蚵仔煎非‧常‧好‧味！如果用一生人暫時吃過最好味的蚵仔煎來形容我相信也絕不誇張它裡面有很多菜 蛋的份量也調較得很好吃到其中還有些類似紫菜的質感 不知有沒有嚐錯儘管等待時間較長 但我也覺得十分值得更附上伴味的醬味 是甜味和辣味的混合有點像茄汁 也有點像泰式辣醬盬酥雞好味 即點即炸用雞冠竹盤來盛載也很有特色只不過是收費相對較貴 印象中是68元至於肉燥飯 合格以上 沒有很好 沒有很差最有趣餐牌同時提供了肉燥飯和魯肉飯兩種選擇感覺也很貼心和多元化 照顧了不同客人的喜好刈包是台灣菜很常吃到的菜式這裡弄得不錯 不過實物則相對較細收費實惠合理 35元這客菜式的等待時間也相對長一點沒想到意外地走進一間很有質素 而收費卻很相宜的餐廳樓面主要是女性侍應為主 十分有善 還會像媽媽般關心客人對食物是否滿意坐位舒服 裝修和音樂也配搭得很有台灣風味不能不再提一次 蚵仔煎真的十分出色！棒

比較擁擠的小店。點了牛肉麵同魯肉飯，味道還OK，不過不失。蚵仔煎，未試過咁唔正宗嘅。咸酥雞，真係得個咸字。服務都係一般，重要自已去櫃枱埋單，但的係要收加一。去一次就夠。整體比附近果間讚好台灣差。

由紅磡行去黃埔嘅路，中間有唔少嘅餐廳，去到百寶坊嗰度附近，有一間新開嘅台式餐廳，叫做台灣郎。於是打開OpenRice睇睇有冇分店，見到佢啲分店嘅好評都好多，所以我哋去睇下個餐牌，都覺得幾啱食，所以就入咗去。都幾多人排隊，可能因為新開張，我哋入咗去之後，我見其他人都要排三四個字先至入到。好彩我哋早左黎，所以唔駛等咁耐。不過我哋坐係吧枱，有啲辛苦，因為咩住個背囊之類啦。但係都唔理喇食咗先講。於是我哋叫咗紅燒牛肉麵同埋燥肉飯。等再一陣，嚟咗個燥肉飯先，細細碗，但係好香，仲有隻滷蛋，可能係豬油嘅關係啦所以特別香。越食越想食，但係佢好細碗，一碗飯應該唔夠飽兩個人。好彩叫多咗個面，碗麵嚟咗，好大碗，同碗飯係一個好強烈嘅對比。牛肉炆得好淋，個湯底都好好飲酸酸辣辣，而且有青紅蘿蔔，唔會好寡。佢個麵都唔會好淋，連埋湯飲好正。不過因為我哋兩個人，所以都係叫咗啲一人份量嘅嘢，但係佢係有啲似小菜館咁樣偏向係食小菜。所以佢啲嘢食都係偏貴嘅，如果人多好似去食大排檔咁會好啲。

係紅磡做完野，又係時候行落黃埔食野，本身我地諗住食讚好既，但我地行左去另一邊，發現十字路口果度開左間新台灣菜，好多人排隊，個menu都幾吸引，所以就等位入去試。等左一陣終於有個bar枱位，依間台式餐廳可以叫小菜，同人一齊share，其他鋪比較小見，menu都有唔同既台式小炒，可以叫飯黎送，另外都有飯同麵餐，我地叫左一碗牛肉麵($88)同一碗肉燥飯($35)，另外叫左杯苿莉奶茶($20)。等左一陣，野食都到喇，份量出乎意料地多。肉燥飯：肉燥有好濃豬油味，超香口，好有台灣味道，滷蛋好入味，超好食！牛肉麵：牛肉入味之餘，根同肉既分佈平均，幾淋，可以再淋啲。湯底充滿牛味，麵底爽滑，同個湯好夾，而且大碗！奶茶：濃既茶味，即使無叫少甜都唔太甜，岩晒鍾意飲茶既人。雖然依間餐廳既價錢同讚好比，係比較貴，但個人認為依個餐廳牛肉麵同飯都好過隔離街間讚好！！不過依間鋪頭樓面比較少，安排座位都比較亂，可能一時間太多人等位，唔夠人安排座位。不過佢地都好有禮貌，有求必應，希望之後多啲staff會無咁亂。