豐鍋雞煲 (京瑞廣場1期)

Open Now

Now Closed

好耐未食過雞煲啦諗住同friend食，因為佢喺石門附近返工即刻諗到呢一間豐鍋雞煲今次都係叫咗 招牌豐鍋麻辣雞煲 （$178）而醒左叫小辣 呢度嘅辣度係比出邊高一個level 不過我覺得小辣 之後加咗湯打邊爐嘅時候個味先會啱啱好 而雞煲都係一如既往咁好食 姐姐會喺出邊炒香左熟晒 再喺你面前熱住 等你哋食完再加湯打邊爐 雖然半隻雞其實雞肉都幾多，入口嫩滑，索哂麻辣嘅香辣味 正🤤🤤🤤之後就加湯打邊爐啦今次叫咗手工即炸魚皮 （$54），超級驚喜！ 自家製嘅炸魚皮，好長又大塊，有啲似日本堅薯片咁，厚身 脆得黎又有咬口 今日MVP!!! 手工四寶丸 （$89）之前食過都好好食，今次再encore真係手打嘅無花無假！粒粒好彈牙 ，真材實料特別推介個蝦丸 ，勁多蝦肉喺入邊，勁鮮味！珊瑚蚌（$125）朋友想食而叫咗，本身冇咩期望，不過食落口爽口得來又有鮮味，吸咗少少湯汁，估唔到幾好食魚肚 （$68）又一朔汁之選！ 放佢喺個湯底度一陣，吸晒啲湯汁之後，唔會太腍又有咬口，每食一啖，麻辣嘅香辣味出晒嚟 🥰I’m lovin it 雜菜籃（$70）又係懶健康之選 😆 佢有幾款菜，每款都好新鮮，減輕下自己嘅罪惡感