高麗軒韓國料理 (Closed)

屋企人食過話吾錯有韓燒加料理大約二百多都抵食，所以今次專登帶爸爸一齊去，好彩訂左位大約等左20分鐘就入去食野。原來佢加＄38可以有特別韓燒，所以我地都照加左食大佢….但時間得1.5小時，食得比較趕但質素比其他韓燒放題好。而一黎到已經有前菜之類都好韓式，今次我地叫了不同肉類，料理和湯…..其他都有正常韓燒選擇，紅腸，多春魚，冬菇之類都選擇不少，味道正常。泡菜豬肉，蛋包蝦：泡菜味重吾咸，豬肉肉質吸晒辣味，不錯。蛋包蝦油左少少，但食落都幾特別，蝦味有而入面包左少少蛋口感不錯而特別。帶子，帆立貝：帶子正常大小新鮮程度都不錯。帆立貝好大隻都新鮮，上面勁多蒜茸所以一路整一路香氣出晒黎再一起吃不錯。烤什錦海鮮併盤：魷魚切得薄身吾難咬，青口比較細隻，魚燒完面有少少脆入面軟身都不錯，烤牛肉拼盤：不同牛肉選擇每款少少地不錯份量，牛肉質素比平時更好，好香肉味而仲保持到淋身，爸爸最愛吃牛排骨，入味之餘又淋身。人參雞湯：人參味勁重，雞煮得好淋入味，但糯米吾夠多，所以湯偏水左少少。豬頸肉，雞翼：味道夠，豬頸肉夠厚身但吾難咬。雞翼好味道，入味而又香脆。