上到去第一個比我感覺的，真係好新，仲要新到只開了五日，裝潢風格都是好日式，色調主要是紅色，光線也很悠和，這裡有很多卡位，座位與座位之間沒有好迫夾的感覺，相當有距離感，所以坐得非常舒適，可能太新和閒日關係，在晚餐時段餐廳氣氛感覺算是有點寧靜，但是我好享受啊！
服務員先很有禮貌地介紹給我們的餐牌上的四款自助放題，主要都係食牛，有兩種不同等級的美國牛肉，仲有來自澳洲和日本的黑毛和牛選擇，每一款都有美國豚肩肉跟上，當然價錢都不同，但都係由 $188至 $398不等，食有質素的牛來講，這都是合理價錢。咁我就選了中等價錢的澳洲黑毛和牛的套餐。
由於我朋友不想食辣味，服務員即刻推介我不如試試骨膠原的豬骨湯，話有好重骨膠原，後來拿來D骨膠原豬骨湯的底色就認真夠濃，濃到好似奶咁，味道都好夠鮮甜，睇嚟真係落足料，果然冇介紹錯，值得一讚。
已開始有點期待呀……在主菜未到前，先去食吓任食的刺身先啦！有師傅即場刀切刺身，有我最愛的三文魚刺身和冰山貝，冇雪藏味，光澤度看相便知一二，很不錯，甜蝦都算好大隻吓，沒失望！
主菜的澳洲黑毛和牛與美國豚肩肉很快便送到，和牛除了新鮮之外，賣相和色澤絕對是有水準之作呀！ :)
跟住又食一連串的串燒熟食，牛舌串腍腍地，味道超正，食落去就停唔到口，呢個一定是必食之選！仲有燒雞中翼、海中蝦、雞肉串和牛柳串，每道串燒都燒得剛剛好，也很入味，我都食了幾轉，呢點我想要讚一讚個師傅的功勞了！
天婦羅中的海蝦仲好大隻，勝在夠新鮮，南瓜和蕃薯都好香甜！
至於其他配菜，正如預料中的冇咩特別，都係例牌Shabu Shabu的食材，唯一特別的好有色彩的小熊魚餅，還不乏魚肉、小丸子類、蔬菜類、菇類、豆腐類等，都應有盡有，其實所有食材最緊要就係新鮮和食到鮮味便可，呢度我已完全沒有懷疑，還有驚喜。
飲品更是任飲，有多款都是康師傅的不同味道的選擇，如康師傅冰紅茶、綠茶、雪梨水、水蜜桃、檸檬茶、仲有可樂、C+、芬達、沙冰等等………
1
我的朋友很喜歡那裡的甜品，先看擺設已有酒店的感覺，雖然種類不及酒店的多，但它們很精緻和特色，由其是泡芙，很鬆軟也不太甜，真的是必食之選，雖則我的肚已很滿了，但都忍不住食了很多件，我的朋友還與我搶食，真好笑。仲有啫哩和多款迷你蛋糕等，一個字…” ” ，所以要提提大家，記得留肚食甜品。 
