Bellevue Bar and Grill (Closed)

今日同男朋友去旺角食樓上西餐，一出𨋢，已經覺得幅牆好有文藝色彩，估唔到餐廳入面更有情調，好有feel，拍拖帶男朋友黎就啱哂。估唔到餐廳drinking menu係tablet，圖文並茂，非常吸引。我地叫咗2杯mocktails，一杯Winter，一杯Summer。係熱情果同藍莓mocktails，非常fresh，又好飲。之後黎咗啱啱焗好嘅餐包，香噴噴，又新鮮，搽herbs牛油，非常香口、軟熟脆炸香草田螺釀白菌前菜啱啱炸起，侍應好貼心咁提我地小心熱口，要攤涼一陣先好食。炸田螺釀白菌非常香脆，好有口感。美國特級安格斯肉眼扒(10oz)侍應送餐時非常有趣，話要將切牛扒嘅重任交比男士，所以當然男朋友切，哈哈！肉眼扒叫咗5成熟，油脂均勻，牛味濃郁，燒得好香，配Mustard好好食。配菜亦燒得啱啱好，好有鮮味。烤緬因州龍蝦尾牛肝菌龍蝦汁扁意粉龍蝦汁配埋濃濃嘅蕃茄，既有香濃龍蝦味，又有鮮茄味，好好食。龍蝦尾非常爽口，新鮮，值得一食。焗朱古力心太軟配柚子凍糕當然食埋甜品先滿足，心太軟焗得啱啱好，有流心，唔算太甜，配柚子凍糕非常夾，好清新。