仿膳飯莊 (Closed)

8/2/2009 (星期日)今朝一早起身就走去跑渣打馬拉松，跑完之後番屋企冲完凉，就同屋企人去食 Lunch，今次去九龍灣德福的仿膳飯莊。屋企人最喜歡吃北京填鴨，另外仲叫咗：冷盤三碟： 麻醬手撕雞拉皮、蝦子鮮腐皮、鹽水鳳爪黄花魚煨麵仿膳小籠包蘿蔔絲酥餅香麻餅黃金糕間酒樓裝修幾好，地方寬敞，坐得舒適，環境唔錯，侍應的服務都好好。北京填鴨： 填鴨做得火候啱啱好，好食，值得推介麻醬手撕雞拉皮： 整體味道唔錯，如果多些麻醬會更加惹味蝦子鮮腐皮： 賣相一般，不過清清地最啱我口味 黄花魚煨麵： 我係愛魚之人，一定要試，最初我都擔心會多骨，但係原來廚房先拆魚肉再加麵，真係體貼，值得一讚。先飲一口魚湯，好美味，煨麵亦都唔錯，好有水準蘿蔔絲酥餅： 一般香麻餅： 好好食，餅上加咗一層蝦膠，再沾上芝麻去炸，好惹味黃金糕： 一定要趁熱食，凍咗就會變硬咗唔好食