中華小館

Open Now

Now Closed

朋友之前同屋企人一齊去咗呢一間餐廳慶祝生日，佢話餐廳坐得好舒服同埋食物都好好食！所以今次就帶咗男朋友一齊食，食完之後覺得一定要帶埋屋企人嚟試吓先得。首先，叫咗最多人會叫嘅鮑魚鵝掌。每人都有一碟，有一隻鮑魚同埋鵝掌再加常西蘭花。雖然剩係得一隻但係我都好足夠，鮑魚唔係細細隻，醬汁都煮得好入味，而鵝掌質素都好好！另外，叫咗醬烤欖角骨，平時比較少食中式嘅豬肋骨，呢一個係煮得超級入味，豬肋骨唔會硬，推！最後，叫咗燒雞，燒雞就比較普通，同平時食到嘅大同小異。但雞肉唔老都偏滑！