鳥海山鐵板燒 (Moved) New Location

夜晚七點幾到餐廳，啱啱好有兩個位唔洗等！打開餐牌，啲野食都幾多選擇！有刺身又有鐵板燒。最後揀左大蝦餐。開頭比左沙律我地開下胃，之後就有安格斯牛肉粒。牛粒加蒜片一齊食，好好食。可能客人比較多，上菜時間都比較慢。不過食物質素都幾好，師傅都整得好好味。之後就上左大蝦，雪魚。個人超鐘意雪魚，好肥美！食嗰時小心有幾條魚骨！大蝦好爽口，可惜份量唔多，唔夠喉😁食到呢刻，仲未飽。好彩仲有炒飯、炒椰菜同麵豉湯。份量唔多但都好好味。