一樂烏冬 (Closed)

今日放工之後喺長沙灣附近搵嘢食，經過一間日式風格嘅小店，主打手打烏冬，就決定是入去試下。鋪頭空間較細，燈光暗暗地，都有五六張枱。餐牌上面有好多小食、好多款主菜配料同湯底，比客人自由配搭，滿足唔同人嘅口味。咁多款真係搞到我有選擇困難症，最後我揀咗黑蒜湯底配日式醬燒肥牛，再加多份京蔥雞肉串。對我來講主角唔係雞肉，而是大蔥。經過醬燒的大蔥唔單止唔會有辛辣，而且甜甜地，超好食！ 雞肉嫩嫩當然都好好食。雞肉嫩滑，有埋啲燒汁超正。碗麵個湯底都非常有驚喜，黑蒜竟然冇乜肥膩感覺。食完包你食過返尋味！佢啲日式醬燒肥牛配埋啲自家製嘅燒汁，味道非常配搭，肉質鮮嫩，好有牛味。啲手打烏冬，係人手打，質感真係會唔同D㗎。口感煙韌，唔似出邊嗰啲無牌烏冬咁容易咬斷。唔係講笑，手打烏冬真係值得一試！仲有烏冬份量多，配菜亦都好多，有海帶同葱添！呢間餐廳真係值得推薦比大家，下次經開長沙灣可以去食下！