全日雞實驗所

Open Now

Now Closed

久仰大名特地來到北角拜訪。溫泉海南雞飯餐，我哋加咗$10轉雞髀。包括有 - 香飯+靚湯+小黃瓜+三色醬+冷泡烏龍茶，唔同部位嘅雞有唔同價錢。桑拿瑤柱肉餅 $12，價錢一般，可接受。海南雞的確幾嫩滑有肉汁，有雞味，雞皮係彈牙爽口，一啲都唔油，好好食，個雞有七至八舊，份量亦都唔少，比想像中多，質素唔錯。油飯幾多，但係就有啲唔平均，好乾又散、無油香。椰子雞湯清清甜甜，都幾好飲，飲品方面鳥龍茶正常夠凍又冇冰。反而老公話肉餅做得出色，鹹甜適中，肉質彈牙。一舊圓波型，食落幾香瑤柱味，食到一絲絲搖柱，好鹹香，好食，聽聞都係必點。整體來講質素都唔錯，雖然冇乜太多驚喜，但性價比幾高。美中不足唔算好近，要入商場再行落去先到。