Oolaa (堅尼地城)

Open Now

Now Closed

之前同另一半去完薄扶林玩之後就決定嚟堅尼地城醫肚，途經呢間餐廳時已經比呢間餐廳嘅門面吸引，最後決定試一試。環境偏暗，衛生同舒適度就 ok 的。就好似一般西餐廳咁，食物嘅類別包括前菜/小食、薄餅、意粉、main course 等等，詳情同各款食物的價錢就請參考我附送的相片。由於我哋擔心份量太大，最後我哋兩個人只係叫咗兩份食物，包括一客 baby back pork ribs 同埋 Spaghetti Aglio e Olio with tiger prawns (如果加蝦就要比多$60），而最後嘅結果顯示我哋嘅決定係冇錯，因為份量真係好大。食物嘅賣相就參考我嘅相片，我只可以講兩道菜嘅水準都係非常高，好好食，例如個意粉蒜香味好重，隻蝦都好鮮甜，不過係幾辣嘅，如果唔食得辣就最好唔好嗌呢款意粉。結帳時更加有驚喜，因為原來呢間餐廳嘅service charge係5%，而唔係10%，而且呢間餐廳嘅服務比起好多間收加一嘅餐廳都要好。埋單都只係$525，我覺得幾抵，值得推薦。