周記點心

Open Now

Now Closed

難得過海，去左十年都唔會去一次既西環覓食😋😋😋朋友過之前Facebook 好多人推介呢間周記點心， 加上地鐵站行5分鐘左右就到，非常就腳！我地三點多去到，門口都企左唔少人在等位。蝦多士果然唔係浪得虛名， 新鮮即炸出黎， 蝦膠厚厚的， 而且多士咬落唔會油淋淋，仲好脆口！流心奶黃西多士如果好似我咁，中意流心奶黃包既朋友，一定都係比個讚！鴛鴦燒賣普通加黑松露， 呢個可能好多地方都食到， 但松露味未必有咁香。蝦餃兩個字～皮薄！！XO醬蘿蔔糕相比下，蘿蔔糕就無咩特別。