Urban United Burger & Bar (Closed)

今日去完元朗寵物店聚集既又新街買野比我個主子，順便諗住食埋晚飯先返屋企。咁啱比我見到有一間食burger既餐廳，細細間，環境幾casual，又壁畫又鐵皮裝置，又有唔少人食緊野，質素應該都ok掛。元朗細細但好多唔同野食，我地成日都周圍搵野食，但係元朗食burger真係第一次。 叫左兩個main 其中一個main加左做set, 即係多碗湯同杯野飲第一個main就叫左個Chicago origin, 其實即係BLT,不過舊肉比我想像中juicy, 一路食d肉汁一路滴。第二個main就叫左個墨汁海鮮意粉，講真，我本身對佢冇咩特別期望，咪又係好似平時咁比d雪藏海鮮你，不過佢上菜個下我以為佢上錯比我。呢個海鮮意粉竟然上左成大隻軟殻蟹黎！！我就勁勁勁鐘意食軟殻蟹既，所以食得好開心！！個set仲有個mushroom soup, 磨菇味幾重，唔錯！而野飲就不過不失啦。 份量黎講，對我地兩個女仔黎講就好夠啦。而我地都成8點幾先入去食，到9點9到侍應已經話截左單，見到都有2-3堆人失望而回。建議呢類食店可以做夜啲，反正又新街夜啲都仲有好多人搵野食，再加埋酒牌賣埋啤酒就perfect喇。