金所 (Closed)

【雞肉入沾白布烏冬】 HKD86依間位於大角咀嘅金所，開業冇耐每日都keep住長長嘅人流，事關佢主打嘅白布烏冬實在係非常特別，屬於群馬縣嘅特產，係香港🇭🇰少見嘅美食。店內位置唔多，目測十五十六個位🪑左右，我地5點半黎到排隊，岩岩好趕得徹係6點第一輪入座，6點半左右已經聽到店員👩🏻‍🍳話截龍。黎到戲肉，果然烏冬同佢所講一樣，好似白布一樣😂，而且晶瑩剔透，非常滑溜，滑到好難夾得起🥢。沾一沾以海帶、鰹魚、大蔥、醬油等材料製成湯底，啖啖甜絲絲嘅感覺，濃而不膩。烏冬過過冷河寧舍彈牙，雞粒🐥亦有燒過嘅香氣。總括黎講，係幾特別，有質素👍🏻。不過唔好諗住會夠填飽肚🤣。而且烏冬浸過熱湯♨️後，湯唔係變暖咁簡單，係直頭凍冰冰🧊，希望日後有所改善。