太吉 (Closed)

如果想去居酒屋，同朋友 情侶 食下野， 十分推介尼一間餐廳！本身係睇左中左食評中既蛋包鰻魚飯先去，點知係午市...螢光魷魚🦑 - 正！ 好鮮！明太子炸豆腐 - 豆腐滑到一個點，外皮唔油 而係有另一種咬感。個汁簡直好味到飲哂！露荀豚肉：尼個普普通通，但個肉係正豬豬黎既。雞肉串：叫啦，佢係免治雞肉，加上生雞蛋汁後變得更滑溜。原條燒鰻魚：嘩，我係一個唔中意食鰻魚既人，都覺得下次需要encore食尼個。鰻魚好食就不在話下，重要係佢個燒法令條魚更香！茄子：可以直接skip唔叫，太濕太淋....冷烏冬：夠咬口 QQ彈的！明太子茶漬飯：作為最後一道，清淡香同時帶一點明太子既辣味！