Video
Read full review
2016-06-17
5413 views
倫哥，你以為你暱嚮度就book你唔到咩？無用架！好似你呢啲咁出色嘅男人，無論嚮咩地方，都好似漆黑中嘅螢火蟲一樣，咁鮮明，咁出眾！你憂鬱嘅眼神，唏噓嘅鬚根，神乎奇技嘅刀法，同埋嗰煲麻辣雞煲，都徹底咁嘅將你出賣咗。 我地尋晚一行七人黎到搵你，一坐低就嗌左個中辣嘅雞煲開下胃先，雞煲未到，首先就黎左七隻手掌咁長嘅蒜蓉粉絲蒸蟶子，味道比得上一啲所謂嘅海鮮酒家；跟住出現喺我地面前嘅係蠔皇炆鮑魚，鮑魚size絕對唔失禮，彈牙有咬口。 雖然等左半個鐘個雞煲先至到，但聽到話呢個雞煲係倫哥你親手炒嘅時候，即刻覺得呢30分鐘嘅等待係值得嘅。煲內雞肉嘅嫩滑同惹味嘅麻辣醬合而為一嗰種好味道簡直係筆墨難以形容呀！食完一round唔夠喉我地仲encore 左大半煲，未到火鍋出場已經半飽。 餐廳內嘅汽水同五花茶亦都係任飲的，最貼心嘅係佢有唔凍嘅五花茶供人選擇，啱曬啲唔飲凍野嘅朋友。而冷盤麻辣木耳亦做得很出色，香濃脆口，絕對唔會因為免費任食而馬虎。 再等多陣，欣勤嘅侍應就將一盤堆到滿滿嘅海鮮併盤放喺我地面前，我地即刻嘩左一聲，因為盤內嘅食材亦都唔弱，有花竹蝦(無錯，並唔係平價嘅基圍蝦或普通海蝦)，帶子，生蠔
我地尋晚一行七人黎到搵你，一坐低就嗌左個中辣嘅雞煲開下胃先，雞煲未到，首先就黎左七隻手掌咁長嘅蒜蓉粉絲蒸蟶子，味道比得上一啲所謂嘅海鮮酒家；跟住出現喺我地面前嘅係蠔皇炆鮑魚，鮑魚size絕對唔失禮，彈牙有咬口。
雖然等左半個鐘個雞煲先至到，但聽到話呢個雞煲係倫哥你親手炒嘅時候，即刻覺得呢30分鐘嘅等待係值得嘅。煲內雞肉嘅嫩滑同惹味嘅麻辣醬合而為一嗰種好味道簡直係筆墨難以形容呀！食完一round唔夠喉我地仲encore 左大半煲，未到火鍋出場已經半飽。
餐廳內嘅汽水同五花茶亦都係任飲的，最貼心嘅係佢有唔凍嘅五花茶供人選擇，啱曬啲唔飲凍野嘅朋友。而冷盤麻辣木耳亦做得很出色，香濃脆口，絕對唔會因為免費任食而馬虎。
再等多陣，欣勤嘅侍應就將一盤堆到滿滿嘅海鮮併盤放喺我地面前，我地即刻嘩左一聲，因為盤內嘅食材亦都唔弱，有花竹蝦(無錯，並唔係平價嘅基圍蝦或普通海蝦)，帶子，生蠔，花甲，大蜆，鮮魷魚，斑片，全部材料都新鮮足料；我地再加多$30將湯底轉做龍蝦湯底，務求令到個湯底吸收曬海鮮嘅精華。
之後靚仔侍應哥哥就幫我地將雞煲換上龍蝦湯底打邊爐，個人比較喜愛此做法，因為總係覺得食完個雞煲直接加湯入去打邊爐會好油膩；而我地亦都發現龍蝦鍋竟然有生果喺入面，包括西瓜同南瓜之類，我諗佢嘅目的係令到個湯底更清甜同冇咁熱氣，而事實證明左係work嘅！
仲有不得不提提佢地嘅魚皮同炸響鈴都有水準，最有驚喜嘅係嗰個炸芝士蝦丸，連麻麻地芝士嘅多都食左好幾粒，蔬菜亦見新鮮！
最後最後黎埋個甜品作全餐嘅總結，真係冇得頂，埋單每人都係三百零蚊，真係物超所值呀！
不過唯一要投訴嘅係，店內嘅洗手間天花有嚴重滴水問題，我朋友同我講笑話去廁所記得要擔遮，真係唔係講笑，希望貴店會正視漏水/滴水問題！
蒜蓉粉絲蒸蟶子
718 views
0 likes
0 comments
蠔皇扣鮑魚
426 views
0 likes
0 comments
倫哥親手炒嘅雞煲
294 views
0 likes
0 comments
海鮮併盤
259 views
0 likes
0 comments
龍蝦湯底
213 views
0 likes
0 comments
龍蝦湯底2
195 views
0 likes
0 comments
炸芝士蝦丸
157 views
0 likes
0 comments
Post
