CHINESE KITCHEN

作為一個經常出入尖沙咀嘅人，應該經常有一個問題，今日又食咩好，好多餐廳唔係排隊就係又貴又唔好食。今日分享呢一間可能係唔係好多人知但係都唔錯嘅選擇，佢個名叫中國廚房，聽個名就唔係太討好，佢仲要係食台灣牛肉麵，中國廚房食台灣牛肉麵聽落都覺得好似會中伏，價錢都唔係平人均都要百幾蚊食一碗麵，仲會收茶介。
不過食過嘅就會知道牛肉又真係做得唔錯，入口鬆軟融化，脂肪分佈比例良好，湯底濃厚好味，位置仲要只係喺海港城嘅對面，大概係armani對面上樓就會見到，都真係幾方便。