Video
Read full review
2025-07-20
0 views
估唔到第一次體驗高空餐廳就係400米高空嘅維景大海景🥳呢間日料店喺 ICC101層，裝修雅緻，食材新鮮，出品好，服務好，有機會要再嚟試下晚餐🥣同朋友點嘅係一樣嘅套餐，由前菜到甜品一共有八式，每一味菜各有特色🤤🍽時菜沙律🥗、茶碗蒸呢兩款係日料常見嘅前菜，芝麻沙律醬嘅味道恰到好處，嫩滑嘅雞蛋配上三文魚籽，好睇又好食😋🍽時令刺身三點甜蝦軟糯香甜🦐吞拿魚入口即化，仲有一款唔知係咩嘅刺身亦鮮甜可口， sashimi 真係日料必食！🍽天婦羅好少食蔬菜類嘅天婦羅，但薄薄嘅麵衣配上清脆可口嘅藕又別有一番風味😯蝦頭酥脆，蝦身肉質鮮美，新鮮出爐嘅天婦羅果然放耐咗嘅唔同！🍽鐵板燒鮑魚雖然係鐵板燒，但鮑魚一點都唔老。🍽鐵板燒澳洲和牛個人好鍾意嘅一道，牛肉肥瘦相宜，一口落去就好似冰淇淋一樣融化喺口入面，仲帶住淡淡嘅肉奶香，要唔係已經食得七八分飽，肯定要再加一份！🍽野菜稻庭烏冬本人唔係好鍾意烏冬，但呢間嘅烏冬嫩滑可口，同平時食到嘅唔大一樣，麵條細軟啲，配上紫菜絲食又係一種新嘅味道😌。🍽甜品🍮濃濃嘅豆乳香氣喺入口嘅瞬間就瀰漫喺唇齒間，布丁本身嘅滑嫩好好噉令呢個味道順住食道滑入，食完飯之後上咁一口，連最後一絲意猶未盡
呢間日料店喺 ICC101層，裝修雅緻，食材新鮮，出品好，服務好，有機會要再嚟試下晚餐🥣
同朋友點嘅係一樣嘅套餐，由前菜到甜品一共有八式，每一味菜各有特色🤤
🍽時菜沙律🥗、茶碗蒸
呢兩款係日料常見嘅前菜，芝麻沙律醬嘅味道恰到好處，嫩滑嘅雞蛋配上三文魚籽，好睇又好食😋
🍽時令刺身三點
甜蝦軟糯香甜🦐吞拿魚入口即化，仲有一款唔知係咩嘅刺身亦鮮甜可口， sashimi 真係日料必食！
🍽天婦羅
好少食蔬菜類嘅天婦羅，但薄薄嘅麵衣配上清脆可口嘅藕又別有一番風味😯蝦頭酥脆，蝦身肉質鮮美，新鮮出爐嘅天婦羅果然放耐咗嘅唔同！
🍽鐵板燒鮑魚
雖然係鐵板燒，但鮑魚一點都唔老。
🍽鐵板燒澳洲和牛
個人好鍾意嘅一道，牛肉肥瘦相宜，一口落去就好似冰淇淋一樣融化喺口入面，仲帶住淡淡嘅肉奶香，要唔係已經食得七八分飽，肯定要再加一份！
🍽野菜稻庭烏冬
本人唔係好鍾意烏冬，但呢間嘅烏冬嫩滑可口，同平時食到嘅唔大一樣，麵條細軟啲，配上紫菜絲食又係一種新嘅味道😌。
🍽甜品🍮
濃濃嘅豆乳香氣喺入口嘅瞬間就瀰漫喺唇齒間，布丁本身嘅滑嫩好好噉令呢個味道順住食道滑入，食完飯之後上咁一口，連最後一絲意猶未盡都被好好噉滿足咗🤭
呢間店味道好，環境好，搵個天氣好嘅日子嚟睇到噉嘅美景心情都會舒暢幾分，想試下高空餐廳嘅唔好錯過呢間尖沙咀日料！！
Post
