Video
Read full review
2023-02-05
47 views
「四季芬芳」為中環蛇王芬嘅年輕副線品牌，除左保留招牌蛇羮糯米飯外，仲係傳統中菜/點心加入嶄新元素，玩味之餘，亦有驚喜。設於沙田新城市廣場，即使係閒日嘅晚市，都係坐無虛席，幾受歡迎，但等位又唔需要太耐。花膠太史蛇羮 ($99或$139連招牌生炒糯米飯): 遠近馳名嘅招牌蛇羮，與中環總店一樣，用多款活蛇炮製，非常足料，蛇肉量多，條條都夠粗，食起上黎好有質感，就算唔識蛇都食到有唔同款式嘅蛇肉，有啲爽實，有啲細膩如雞絲，非常鮮味，值得一試。古法肉骨茶湯麵 ($79): 新加坡派嘅胡椒湯，濃度適中，有胡椒香，搭配上海麵可一啖麵一啖湯咁食，唔會太濃太油膩，感覺岩岩好，味道都幾鮮甜。排骨軟腍，帶少許脂肪，幾香口，肉質細嫩唔柴，另外仲有幾多豬肚。煙燻龍井炸雞 ($179/半隻): 手機App點餐寫住每日限售四隻，我點果陣仲話最後一隻添，唔知真定假呢。但味道真係好好，本身以為係紅燒炸子雞之類嘅味道，但更加出色。炸雞皮脆肉嫩，雞肉夠滑亦有豐富肉汁。平時去飲食炸子雞食幾件就覺得膩，但經煙燻後，多左一份香氣，雞皮亦無咁油，二人輕鬆解決左成碟雞，一件不留。桃膠菊花桂花雪梨茶 ($26): 呢個配搭唔錯，雪梨茶亦
設於沙田新城市廣場，即使係閒日嘅晚市，都係坐無虛席，幾受歡迎，但等位又唔需要太耐。
花膠太史蛇羮 ($99或$139連招牌生炒糯米飯): 遠近馳名嘅招牌蛇羮，與中環總店一樣，用多款活蛇炮製，非常足料，蛇肉量多，條條都夠粗，食起上黎好有質感，就算唔識蛇都食到有唔同款式嘅蛇肉，有啲爽實，有啲細膩如雞絲，非常鮮味，值得一試。
古法肉骨茶湯麵 ($79): 新加坡派嘅胡椒湯，濃度適中，有胡椒香，搭配上海麵可一啖麵一啖湯咁食，唔會太濃太油膩，感覺岩岩好，味道都幾鮮甜。排骨軟腍，帶少許脂肪，幾香口，肉質細嫩唔柴，另外仲有幾多豬肚。
煙燻龍井炸雞 ($179/半隻): 手機App點餐寫住每日限售四隻，我點果陣仲話最後一隻添，唔知真定假呢。但味道真係好好，本身以為係紅燒炸子雞之類嘅味道，但更加出色。炸雞皮脆肉嫩，雞肉夠滑亦有豐富肉汁。平時去飲食炸子雞食幾件就覺得膩，但經煙燻後，多左一份香氣，雞皮亦無咁油，二人輕鬆解決左成碟雞，一件不留。
桃膠菊花桂花雪梨茶 ($26): 呢個配搭唔錯，雪梨茶亦唔會太甜，剛剛好。
Post
