黃珍珍泰國菜館

Open Now

Now Closed

黃珍珍呢個名大家應該唔陌生，以前時不時都會去食下，不過九龍城泊車出名困難，所以呢一兩年都比較少去，近排屋企人又話想食所以就特登又去試吓。一嚟到首先叫咗個椰青先，我就最鍾意飲椰青㗎啦，椰青青青甜甜仲有好多肉$48 正。叫咗個招牌咖喱蟹，咖喱味超正蟹肉又多肉唔係嗰啲林啤啤既肉，都算係幾足料配飯同埋麵包好正。另外仲叫咗媽媽最鍾意食嘅馬拉盞通菜，蝦醬味好足夠唔錯。屋企仲有一個食肉獸，當然要叫咗豬頸肉啦。豬頸肉啖啖肉好滿足 。