平時黎到我都會叫依度最出名既蔥油豬扒飯, 我見佢出左新野, 今次就試下新推出既”大阪燒”豬扒飯先, 另外再叫左小食麻辣炸魚蛋
落完單就好快送到黎啦, ”大阪燒”豬扒飯上面鋪滿木魚碎, 底層係炸豬扒, 淋左大阪燒汁同沙律醬, 拌好配飯食味道同食緊真大阪燒係一樣, 豬扒外層炸得好香脆, 肉質軟熟多汁, 成塊切件後都有成三四件大大塊
朋友就叫左平日我常叫既蔥油豬扒飯, 蔥油鋪滿豬扒面頭, 份量真係好多, 拌飯食的確唔錯, 完全唔洗怕唔夠撈飯, 豬扒同我個碗一樣咁大塊厚切
麻辣炸魚蛋係細粒魚蛋, 炸左之後上面淋左少少辣油渣, 都幾惹味
不過我覺得都係主角豬扒飯吸引得多, 份量真係啱哂男士食, 我自己食都係食左三分之一就好飽了, 抵食推介!
