曼谷泰菜 (珠璣大廈) (Closed)

話說今日晏左食lunch, 見鋪面幾靚又做緊下午茶所以入去試一試。鋪入面只有4-5枱客，侍應一開始話要搭枱，當時明顯係好多吉枱我問可唔可以坐另一張，佢唔理會我堅持要擺位，我只好自行坐另一張以示不滿，當然佢都搬返位比我。Menu要叫佢先比，明明佢無其他野急佢都係要走開叫你等等。想點菜嘅時候有個侍應行過嚟唔出聲，控個大頭埋嚟望左我兩三秒，之後又叫另一個同事寫單(我估佢唔識廣東話掛..)，我就要左個海南雞飯($45)，等咗5分鐘上左湯同野飲，之後再等多十零分鐘左右先上埋碟飯，碗湯都涷晒啦，其實一碟海南雞飯要用左差唔多廿分鐘先上到實到好奇，更奇係明明無乜客都可以咁慢....不過味度都叫ok。响我等食期間，見D侍應D菜上錯位又有，未上菜收個客位又有.....真係不得了。最好笑係我埋單係$49.5，要加一服務費(咁嘅服務都敢收加一....)，我比張五十蚊，侍應“好心”收左我張五十蚊比收銀(其實都係個侍應呀姐)，收銀大大聲話“係咪要找ga？五毫子乍喎....”，我聽到真係汗都滴埋，唔係五毫子問題，係找錢比個客係理所當然嘅事，佢無話唔洗你一毫子都係要找ga la。最後我都唔想多講，唔等佢找錢啦，留比佢