曼谷泰菜 (珠璣大廈) (Closed)

細細個 (2X年前)，嚟到北角已經見到呢一間店 (主要係記得門口個雕像)。諗住做到咁多年，應該都掂啦。點知出事囉...外賣【菠蘿炒飯】同【海南雞飯】(各$58)。份量上係正常的 (參考大X樂果D)【菠蘿炒飯】- 外觀：冇腰果冇肉鬆。- 味道：除咗菠蘿之外冇咩味。- 評價：真係菠蘿 + 炒飯。完。【海南雞飯】- 外觀：隻雞嘅顏色好慘，有骨(平身都ok)。- 味道：隻雞好鞋！好唔掂- 評價：大X樂果D快餐店都比佢好，咁點解仲可以叫自己做泰菜？- 額外：附送一個湯，鹹到傻咗。結論：sorry冇相。外觀上冇咩特別。但老店... 不如退休啦。

我感覺幾正宗!係咪因為有曼谷呢隻字?!😅😅今次叫左1. 生牛肉湯河清清地,一早已經講咗話唔會係生咁上碟2. 炸蝦餅特別叫佢唔好太炸,都有做到3.串燒牛幾腍,唔會好實,個醬唔錯4. 咸魚炒芥蘭正常發揮

泰式海南雞外賣第一次叫，外賣時間都準時，但價錢略貴，賣相好一般，雞唔夠滑，配上油飯，飯身質地ok, 偏少少鹹，如果有多d 唔同既醬料點海南雞就更加正，味道更加吸引，而雞翼唔夠脆，肉身乾，唔juicy，而份量少咗d，唔夠喉。下次唔會再encore，反而想試下其他泰式嘢，蝦餅or 魚餅。另外單點椰汁千層糕，期望唔大，食落又唔差，送到嚟仲keep 住暖，椰汁味好重，口感煙煙un un，好好味，反而甜點出色過主菜。

今日食泰國菜外賣晚餐， 餐廳位於北角英皇道，好近港鐵站。 專登來食既人都好方便。再外賣apps點完菜後， 大約30分鐘就有啦。 攞外賣時，餐廳都坐滿人了。今日外賣叫左: 泰式蝦球炒金邊粉泰式豬肶飯招牌喇沙肥牛米線泰式蝦球炒金邊粉，酸酸甜甜，蝦彈牙，有咬口，好味道。泰式豬肶飯，豬肶肉林，份量多，豬皮正到無得頂招牌喇沙肥牛米線，個湯可以當湯飲，辣度適中，香口撲鼻。 肥牛又係份量多。

泰國菜晚餐成日都食, 午餐又真係第一次, 因為成日都覺得好似好難食到好多款, 不過真心讚佢個午餐餐牌, $60幾蚊仲有得加$10 加小食, 不過小食得兩款春卷同魚餅。最後叫左個泰式雞肉炒金邊粉, 其實佢本身係蝦球, 不過敏感唔食得蝦所以轉左雞,再叫多個春卷, 見到佢有杯咸檸7, 一於飲埋佢!泰式雞肉炒金邊粉一黎到個賣相已經好吸引, 份量又足, 熱辣辣出曬煙, 撈勻埋D花生粒, 吱埋D青檸汁落去, 成個金邊粉酸酸甜甜, 極之開胃,下次都要再食佢! 佢個春卷就正常野, 勝在即炸熱辣辣, 飲埋杯咸檸7, 大滿足。服務仲要好好, 個侍應叔叔好禮貌

餐廳位於北角，港鐵站一出直行就到，十分方便。 小編住喺北角區，疫情下平時唔食的餐廳都要間間試下。 曼谷泰菜的員工有部份係泰國人，估計廚師都應該係掛。所以，味道應該唔會差。 因為外賣有8折，所以叫多左少少。 晚餐分別叫左 泰式海南雞飯配冬瓜湯泰式蝦球炒金邊粉黃咖哩牛腩煲牛油酥餅泰式小食拼盤(小)一打開d外賣盒，望一望，今次不得了。因為份量好多，一定食唔哂。5個餸裡面，只有海南雞係比想像中差dd, 因為比哂d雞胸我，同埋d肉都幾實下。不是我杯茶。 金邊粉就正正常常，但份量多到要留返明日食。 牛油酥餅以為得4塊，點知比夠10塊你，我係泰式酥餅控，自己就食左5塊，好味道可想而知。點埋個黃咖哩汁邊有得輸。 咖哩牛腩d牛腩好大舊，又以為好實，點知又鬆又林，差d比佢呃到。好味既野，當然要返轉頭

夜晚突然想食泰國嘢就隨便搵一間入，呢間曼谷泰菜就好多區都有分店，整體來講食物無驚喜，質素穩定，這個價錢的街坊價泰式嘢。金柚子蝦球扮律 $85想清新啲可以揀呢款沙律，柚子清甜，可惜有幾舊有啲苦，蝦球彈牙但無咩蝦味，不過醬汁鹹酸平均，好開胃。泰式炸蝦餅 $78/4件炸蝦餅外脆內彈牙，蘸一點醬汁更好食。泰式臘腸蝦醬蛋炒飯 $78蝦醬炒飯如果可以再濃味啲就更好，舖面嘅臘腸有油分，同炒飯都夾。芒果糯米飯 泰國餐廳必食甜品，糯米飯都有椰香，芒果稍微唔夠甜。凍檸樂大大杯可樂，仲要三片唔係薄薄的檸檬。

今次係用外賣app叫嘅，以下都係折前價錢。菠蘿炒飯 （$108）炒飯入面有腰果、肉鬆、菠蘿，食落酸酸地幾開胃，又幾好食喎。辣椒膏炒青口（$108）少少辣，青口普通，整體都幾入味。醃酸辣去骨鳳爪 （$82）冇骨嘅鳳爪真係好方便，食落好有泰國風味，都係酸酸地咁，好開胃。咖喱炒蝦球 （$108）係送飯一流嘅咖喱，幾好食。入面啲蝦大大隻，雖然話係咖喱，但係唔會太辣。炭燒豬頸肉 （$92）落左個汁之後超級辣，豬頸肉就偏硬。蒜子胡椒炒蝦球 （$108）蝦球大大隻，食落都好香，好多蒜蓉粒，好好食。泰皇咖喱軟殻蟹 （$208）佢有配埋一個個黃咖喱汁，呢個汁先係精髓，食落甜甜地，好好食。不過齋食軟殻蟹都好食，又香又脆，假如叫個普通軟殼蟹（冇醬）嘅話價錢平一半，抵食好多。泰式蝦球炒金邊粉 （$98）金邊粉都幾多配料，有蝦、芽菜咁，食落酸酸地。但係可能擺左一陣，所以啲麵結左，變左一餅野，好難撈。泰式炸蝦餅 （$92）炸蝦餅好好食呀，炸粉唔會太厚，食落好脆，好有蝦味，而且size岩岩好，做小食一流。泰式海南雞撈麵（$98）呢個撈麵就好失望，啲雞食落好鞋口，啲麵又乾，同樣都係一餅野咁好難撈，而且冇乜味，真係唔好

呢間泰國菜餐廳係我在區內嘅心水選擇，因為佢環境舒適乾淨、價錢合理、食物味道很好、份量亦足夠，整體CP價很高。海南雞飯嘅浸雞肉質嫩且肥瘦均勻，肉汁豐香，但今日個油飯就又濕又林，失敗了😞！泰式併盆有蝦餅、魚餅、春卷、香葉包雞，件件都炸得恰到好處，外表金黃，香脆不油，再點上微甜的梅醬，真是美味享受👍。呢到做得真係比很多店都要好食，建議大家必點。介蘭炒泰式鹹肉（即係燒肉）好惹味，介蘭清甜爽口，無渣又唔油膩。下次會再嚟支持💪💪

難得好友山長水遠到訪，一定要找來美味的吃。不過減磅中，就來個高卡路里輕食😂豬鞍好軟好入味，正！好喜歡泰式鳳爪配上泰式沙律菜，好想自己食晒佢😜每次食泰菜，通菜係必點！

奶油包一家係今年既中秋節決定唔食中餐做節改食泰國菜點知食開既泰國菜館裝修只好係屋企附近搵第二間咁岩奶奶包記起北角黨鐵站對面有間泰國菜所以就去一試曼谷泰菜係一間連鎖店奶油包一家以為係有返咁上下水準既但老實說。。。期望過高叫左個2人餐同一個菠蘿炒飯菠蘿炒飯真心令人失望飯太濕，而且唔夠香唯一就係肉鬆同腰果夠多2人餐方面有個泰式鳳爪做前菜辣得嚟係好食而且份量勁多五餅二魚咁食極仲有小食就有4串串燒兩豬兩雞燒得幾香係唔錯既選擇主菜係甜酸魚柳同泰式豬蹄甜酸魚柳入面既汁同菠蘿都好味但魚柳既肉好霉唔係奶油包心中既魚柳而泰式豬蹄就真心唔係好ok個汁怪怪地而個豬皮仲有陣唔ok既味同口感肉就不過不失咁整餐飯都食得有點不盡慶因為同理想既味道有距離

毫無預期下食左呢間外賣，包裝用心，會用保鮮紙包住食物盒，不會倒瀉，而且食物質素高，冬蔭公湯足料好飲，有驚喜！明爐烏頭雖然無太特別但醬汁開胃。每碟都大大份，兩個人食到好飽又滿足！

I really loved the pomelo salad as it had such good flavours and spice. All the food was cooked nicely and well. My friend couldn't handle some of the spice but it was fine for me. I thought it tasted authentic Thai and it all came out nice and hot. The servings were pretty big and they even looked at us weird because we ordered so much for a simple lunch. Had to take some home. Was well worth it. But local Cantonese style.

After medical appointment, I brought my mother to lunch in North Point. We ordered two lunch sets with drinks and dessert. The Hainan chicken with fragrant rice was tasty. The chicken was tender and juicy, but not too fat. The water melon soup accompanying the rice was light and thirst quenching. Yellow curry beef brisket with rice was well cooked and deliciously sweet with potatoes, onion and green pepper. The dessert and drinks of the sets were nice. I especially liked the iced lime soda

呢間泰國餐廳好乾淨，lunch set 多選擇又價錢合理～～～～～～～～～食過好多次，去骨豬手飯一級捧不過今次食反基本野，煎旦肉碎飯不過今次中伏了原因非難食只是我唔受得辣我既尺黎計，勁到爆真係................狂飲甜啡都唔掂.................食得幾辛苦，但個味道係好味嘅～～～～～～～～～～～～食完出番黎個喉嚨都已有d唔舒服同咳😂下次食番其他野算總括經驗，經過想食泰菜係區內不二之選！！！