香港大學校友會

Open Now

Now Closed

畢咗業一直都未黎過校友會食嘢，適逢今次聚會約咗喺校友會食晚餐，終於第一次食呢度嘅食物啦。呢度裝修普通，係得八圍左右，星期五晚輕易爆場。所有餐具都印有港大標誌，同埋主色調都係港大既綠色。叫左好幾碟餸。咁既價錢，份量好細。冬瓜盅幾大份，十一個人大部分都有兩碗，算足料。椒鹽鮮魷細碟，炸皮唔夠漲。椒鹽味不足，可能係我近期食過最難食既椒鹽鮮魷。梅子鴨，酸甜可口，算正常。炸子雞，有蝦片，皮夠脆，幾好食。西芹炒蝦球，蝦夠彈牙，但比較多油。金銀蛋莧菜，合格。鮮魷炒西蘭花，鮮魷份量好少。呢度侍應質素麻麻，話說我地叫左兩鍋糖水，一鍋紅豆沙，一鍋核桃露，一鍋只夠分六碗，我地就話想每人每樣都可以試啲，想話一鍋平分11碗，點知阿姐就態度惡劣咁話：「咁麻煩架，咁你自己黎囉！」跟住我地費時同阿姐糾結，就算喇。最尾就搞到大家要搶比較受歡迎既核桃露，哈哈。港大信用卡95折，最後人均240。咁既質素，有啲貴。