Video
Read full review
2023-05-15
113 views
呢日有口福老婆大人帶我去食來自星星嘅美食，不過冇都Manage同千小姐份嘅！哈哈！講緊嘅係星加坡米芝蓮星級餐廳天天海南雞飯，今次我哋就去咗銅鑼灣店開大餐喇。我係第一次嚟呢間天天海南雞飯開餐，入面嘅裝修都幾靚仔仲有VIP房，連啲餐具都好靚淨係酒杯都已經夠吸引。先嚟杯年代奶茶嘆吓先飲落口感滑溜茶味仲好濃郁添正喎。未開餐之前枱面有兜百香果密瓜原來係餐前小食，味道酸酸甜甜咁啱晒老婆大人口味。第一味上枱嘅係黑松露墨魚蝦多士，金黃香口嘅蝦多士入面夾住咗墨魚滑，鮮味之餘仲好有口感香噴噴好正呀。然後呢味火辣辣嘅係迷迭香火焰黑金叉燒，用咗西班牙豬腩肉嚟煮呢個菜會唔會零舍好食呢？答案係叉燒食落好淋好滑口感錯。跟住呢個鮮大蝦冬陰功湯就會喺你面前即刻煮，睇住將啲新鮮大頭蝦放入去冬陰功湯度煮，跟住即刻遞到我面前淨係呢份誠意已經值得嘉許。呢個冬陰功湯個大蝦好新鮮食落爽口彈牙好正斗，湯嘅辣到對我嚟講都唔少嘢仲有酸都幾勁！我老婆大人就覺得好好味呀。我就鍾意呢個老街坊牛筋牛腩，食嘅時候放啲炸牛蒡絲入去多啲咬口配搭得好呀。呢個牛筋牛腩食到我豎起手指公讚好，啲牛筋炆到軟滑得嚟唔會黏口，牛腩呢却炆到入口鬆化仲勁入味爆好食呀。
哈哈！講緊嘅係星加坡米芝蓮星級餐廳天天海南雞飯，今次我哋就去咗銅鑼灣店開大餐喇。
我係第一次嚟呢間天天海南雞飯開餐，入面嘅裝修都幾靚仔仲有VIP房，連啲餐具都好靚淨係酒杯都已經夠吸引。
先嚟杯年代奶茶嘆吓先飲落口感滑溜茶味仲好濃郁添正喎。
未開餐之前枱面有兜百香果密瓜原來係餐前小食，味道酸酸甜甜咁啱晒老婆大人口味。
第一味上枱嘅係黑松露墨魚蝦多士，金黃香口嘅蝦多士入面夾住咗墨魚滑，鮮味之餘仲好有口感香噴噴好正呀。
然後呢味火辣辣嘅係迷迭香火焰黑金叉燒，用咗西班牙豬腩肉嚟煮呢個菜會唔會零舍好食呢？答案係叉燒食落好淋好滑口感錯。
跟住呢個鮮大蝦冬陰功湯就會喺你面前即刻煮，睇住將啲新鮮大頭蝦放入去冬陰功湯度煮，跟住即刻遞到我面前淨係呢份誠意已經值得嘉許。
呢個冬陰功湯個大蝦好新鮮食落爽口彈牙好正斗，湯嘅辣到對我嚟講都唔少嘢仲有酸都幾勁！我老婆大人就覺得好好味呀。
我就鍾意呢個老街坊牛筋牛腩，食嘅時候放啲炸牛蒡絲入去多啲咬口配搭得好呀。
呢個牛筋牛腩食到我豎起手指公讚好，啲牛筋炆到軟滑得嚟唔會黏口，牛腩呢却炆到入口鬆化仲勁入味爆好食呀。
跟住呢個係海鮮青咖喱味道都幾香濃，佢嘅青咖喱係比較流質啲但係好香口，入面有啲新鮮嘅海鮮夾埋都幾好食㗎。
嚟到呢度又點可以唔叫雞呢！呢度嘅招牌海南雞係用新鮮雞嚟整㗎，雞皮食落爽口雞肉唔會鞋口，連埋個三色醬一齊食味道就更加豐富喇。
老婆大人最鍾意食蟹當然要叫返個俾佢嘆吓！呢一隻係新加坡辣椒炒肉蟹配鹹煎餅，蟹肉新鮮好紮實又鮮味配埋個香辣嘅醬汁係好味嘅，最特別嘅係佢配咗啲鹹煎餅鹹用嚟點汁食一流。
最後仲有個食神魚子菠蘿海鮮炒雞油飯，脆卜卜嘅飛魚子鋪滿喺炒飯上面成個生日蛋糕咁款好搞笑！側邊仲有老婆大人最鍾意嘅菠蘿乾當然第一時間俾佢掃晒啦！
雞油炒飯夠乾身又香口入面仲有好多海鮮粒粒，食完呢個食神炒飯真係飽到上心口呀！
不過朋友個甜品胃仲未滿足所以食埋甜品先走啦！呢個新加坡原味豆腐花好鬼滑入口直頭係跣落喉嚨口感一流，嘆埋呢個甜品各位朋友都真係滿足晒閃得喇。
Post
