割烹 櫓杏 (iSQUARE國際廣場)

Open Now

Now Closed

作為一個香港人，崇日同埋鍾意食啲生勾勾嘅嘢係常識吧。依家餐廳其實已經開咗兩年，今日終於得閒去試一試。一入到去覺得好特別，有個小超市咁賣下日本蔬菜，同埋有少少奇怪，明明見到有好多空枱，但係佢就安排左我哋坐壽司吧枱，不過我哋得兩條友又冇乜所謂嘅。我食野不食野唔睇價錢，直接就要嗌佢嘅招牌菜，通常咁先至試到一間餐廳嘅真味道。我嗌嘅御膳有12件壽司，一定夠飽，件件壽司都好新鮮，最鍾意係佢件吞拿魚壽司，入口即溶，一流。麵豉湯有少少太鹹，沙律都不錯，個蛋熱到辣手，兩舊菠蘿勁甜，食完依 set 野真係好滿足。鍋御膳都不錯，但比起御膳就略為失色，前菜配菜一樣不再多講，佢嘅黑毛和牛冇乜牛肉味，個鍋入邊嘅菜又帶苦味，魚生飯就好好味，好新鮮，睇嚟呢間餐廳主打都係魚生。總括來講，雖然少少貴，連埋加一430一位，但質素都有返咁上下，不錯。