Video
Read full review
2017-11-24
472 views
不知不覺又步入左11月, 即係好快又到我最愛既節日聖誔節, 今次黎到尖沙咀新港中心既唐宮小聚, 試左黎緊即將推出既限定聖誔週末下午茶, 由名廚Jacky Yu設計，充滿創意成個tea set都色彩繽紛充滿住節日色彩, 外觀精緻之餘味道更高質, 忍唔住要快d介紹比大家呢!! 雖然只係下午茶, 但都有分鹹點同甜甜既進食先後次序, 令味覺能夠有循序漸進既享受~ "棗"已心軟 聽到呢個咁浪漫既名真係已經心軟XD 紅棗包住糯米饀既甜點並唔係第一次食, 曾經食過一次已留下深刻印象, 今次山東棗因為夠厚肉, 內裏糯米饀相當軟韌綿綿, 同之前食既不同之處, 係底部有桂花蜜作甜味點綴~ 松露鮭魚 中式tea set 但混合西式元素, 相當有創意, 呈鮮橙色既桂魚顥示出佢既新鮮度, 咬落魚肉既彈牙度更加係意料之外, 相信係因為用慢煮既方式~ 鋪面既黑松露高貴之餘, 亦成功將魚鮮味道昇華至另一層次, 實在回味無窮。 黑蒜沙律相對輕盈既食品, 但同樣唔係馬虎之作, 沙律以黑醋作調味有提鮮作用, 沙律菜新鮮爽口,增添黑蒜粒呢個健康補品介新星令營養價值大大提升, 我自己平時都有食黑蒜, 估唔到黑蒜可以同沙律相夾呢
雖然只係下午茶, 但都有分鹹點同甜甜既進食先後次序, 令味覺能夠有循序漸進既享受~
"棗"已心軟
聽到呢個咁浪漫既名真係已經心軟XD 紅棗包住糯米饀既甜點並唔係第一次食, 曾經食過一次已留下深刻印象, 今次山東棗因為夠厚肉, 內裏糯米饀相當軟韌綿綿, 同之前食既不同之處, 係底部有桂花蜜作甜味點綴~
松露鮭魚
中式tea set 但混合西式元素, 相當有創意, 呈鮮橙色既桂魚顥示出佢既新鮮度, 咬落魚肉既彈牙度更加係意料之外, 相信係因為用慢煮既方式~ 鋪面既黑松露高貴之餘, 亦成功將魚鮮味道昇華至另一層次, 實在回味無窮。
黑蒜沙律
相對輕盈既食品, 但同樣唔係馬虎之作, 沙律以黑醋作調味有提鮮作用, 沙律菜新鮮爽口,增添黑蒜粒呢個健康補品介新星令營養價值大大提升, 我自己平時都有食黑蒜, 估唔到黑蒜可以同沙律相夾呢! 另外更有大大隻已去殼既爽彈大蝦, 連沙律都可以咁豐富!!
邪惡魚脆
靈感源於最近大熱既新加玻咸蛋皇炸魚皮, 估唔到連下午茶都可以食到炸魚皮, 呢個味道經過改良後, 除左咸香能夠保存之外, 油膩感比新加玻果隻更加少呢, 但同時做到皮脆卜卜既效果, 味道與口感同樣兼備, 一口接一口，令人欲罷不能，有無得以包裝出售?XD
柑香酥骨
見到呢個我就雙眼發光了!!!!因為我係咕嚕肉超級粉絲!!!!連下午茶都可以滿足到我呢個願望!!!
雖然佢叫酥骨, 但食落郤係啖啖肉無骨的呢, 醬汁比平時咕嚕肉既濃度稍低, 但依然平均地掛於酥骨既表面, 淡淡柑甜相當開胃, 清新味蕾, 炸皮好薄身但仍做到脆口效果,好滿意呢款!!!!相信如果佢可以成為小菜, 我一定會成為頭號粉絲呢哈哈!!
海膽豆腐
豆腐選用左台式豆腐, 雖然無咁嫰滑, 但口感更扎實同埋豆味濃D, 因為海膽已經係creamy既質感, 所以如果用嫰豆腐反而會令口感相似, 層次無咁特出~兩者味道相襯, 海膽毫無腥味, 反而食出甜味, 原來中式海膽更得我心。令本來唔食海膽既我都有耳目一新既感覺!
蟹粉帶子
蟹既季節又點少得蟹, 蟹粉與帶子兩個高貴組合, 蟹粉味道微微咸鮮無遮掩到帶子本來既肉味, 帶子雖然細細粒但爽牙程度郤比得上炒帶子, 咬口十足, 如果大粒d仲正!!!
係咪雞蛋
呢個横睇點睇都係一隻未熟既雞蛋黃, 未食時店員話呢個係進入甜品既洗口小品, 真係完全估唔到…佢竟然係一口橙汁!!!!! 一咬即刻猶如爆珠咁爆汁, 橙汁清純甘甜無渣, 配上爆口既衝擊確實係令味蕾大清新, 令我非常佩服廚師既精心設計同創意~~~
煎齊菜餃
本身對餃無咩興趣, 不過呢款煎餃都做到皮薄饀靚, 皮軟軟微韌相當薄身, 青綠色既饀料以菜同蝦蓉為主, 齊菜既營養價值高, 所以呢個餃子可說得上係養生餃子呢, 我覺得可以有啲蝦粒令口感更爽彈, 最令我欣賞係佢後面塊脆片,靚靚之餘仲脆卜卜呢。
芋蓉熊熊
作為全個teaset唯一一款包點係呢隻Cute到爆既熊熊, 任何女仔見到佢都會心動, 即刻為佢相機食先!!! 忍心將佢撕開, 指頭已經感受到包既柔軟度, 食落更加食出柔軟中帶韌既口感, 只論包既質素已經高, 更大驚喜位既係傾而出既芋泥蓉呢!!!! 流心度高, 芋香十足, 略為偏甜。吃完後香芋甜香一直縈繞着舌頭呢
杏仁丸子
雪白色既杏仁茶有聖誔節氣氛, 平時我抗拒杏仁茶, 但呢到令我會飲既原因因為入面有七彩顏色既小丸子!! 全部以天然色素而製既小丸子, 食落放心, 橙色為紅蘿蔔, 紅色為紅菜頭, -紫色為芋頭, 綠色則以抹茶以成, 細細粒又軟綿有黏韌度~
豆漿芝凍
最後既甜點以無糖豆漿配合美國既忌廉芝士, 令豆味添加之餘又唔怕肥, 食落豆味同芝士味之中我覺得芝士味會明顯d, 質感似食緊布丁, 口感順滑, 面既生果粒新鮮同添上加多色彩, 以玻璃樽子裝住更加精緻, 有種聖誔節拆禮物既興奮感喔~~
全個teaset咁多款食品都係充滿驚喜, 覺得同平時既西式tea set相比更加獨突, 賣相別緻具創意之餘, 味道亦相當有水準, 真心推介比大家!!!!再一次多謝試食邀請!
不過公眾場只有一場, 就係12月9日係尖沙咀分店先有, 大家快d bookmark~~~~
Post
