Video
Read full review
2015-08-05
368 views
咁耐以黎食過好多間食肆, 食物態度差0既真係遇過唔小, 但都係吞左佢算, 不過呢間都算真係整體都差得幾過份所以真係忍唔住要係度講.雖然樣樣都差, 但總有最差果樣, 就係態度.第一個, 我地睇完MENU, 諗住ORDER, 叫左個侍應過黎諗住落單叫野食叫野飲, 但點知佢一埋黎就問, 使唔使點0的野飲呀? 當然好, 但問題係我地一點完野飲, 仲係度翻緊個MENU 諗住叫埋其他野時果位小姐以經同第二個侍應講野, 跟住就行開左. 然後就無再番黎, 亦都無人再望過我地果枱.正路黎講, 都會等一等你睇下你使唔使叫其他野架?過左一陣見無人再理我地, 就惟有叫個好似好新0既新仔落單啦. 但個新仔已經好似好唔知自已做緊乜咁架啦. 落完單之後, 就再拎左我地點0既2杯茶過黎, 不過佢無提過佢個茶杯係特別設計, 如果你唔小心拎起個蓋, 又唔小心拎起左入面個茶隔, 然後你再合番埋佢時, 佢0的水係會PUMP晒出黎架. 我地打開個杯蓋望左一下, 再合番埋,諗主焗一陣. 當然0的水瀉晒出黎啦, 當然第一反應係個杯有問題, 叫果位好似好新0既男仔黎睇同換, 但係就淨係識得拎埋隻杯企係度企左2分鐘, 然後又唔黎枺枱
雖然樣樣都差, 但總有最差果樣, 就係態度.
第一個, 我地睇完MENU, 諗住ORDER, 叫左個侍應過黎諗住落單叫野食叫野飲, 但點知佢一埋黎就問, 使唔使點0的野飲呀? 當然好, 但問題係我地一點完野飲, 仲係度翻緊個MENU 諗住叫埋其他野時果位小姐以經同第二個侍應講野, 跟住就行開左. 然後就無再番黎, 亦都無人再望過我地果枱.
正路黎講, 都會等一等你睇下你使唔使叫其他野架?
過左一陣見無人再理我地, 就惟有叫個好似好新0既新仔落單啦.
但個新仔已經好似好唔知自已做緊乜咁架啦. 落完單之後, 就再拎左我地點0既2杯茶過黎, 不過佢無提過佢個茶杯係特別設計, 如果你唔小心拎起個蓋, 又唔小心拎起左入面個茶隔, 然後你再合番埋佢時, 佢0的水係會PUMP晒出黎架.
我地打開個杯蓋望左一下, 再合番埋,諗主焗一陣. 當然0的水瀉晒出黎啦, 當然第一反應係個杯有問題, 叫果位好似好新0既男仔黎睇同換, 但係就淨係識得拎埋隻杯企係度企左2分鐘, 然後又唔黎枺枱, 淨企.
要我叫佢黎抹枱先好似如夢初醒咁.
跟住就黎教話個杯無問題, 係你唔識用.
但老板, 如果你個杯使用不當會有咁0既事發生, 你係咪應該提一提先呢?
定覺得我應該要每次去食飯時都事先研究定0的野點用?
跟住因為我地2人轉3人,要出出面坐, 阿帶位姐姐叫另一個姐姐帶我地出去
我地親眼望住佢3秒前吩咐佢帶我地坐邊, 3秒後阿姐姐已經問我地 "你地訂左枱呀? 邊位0既BOOKING呀?" 天, 金魚都有十秒記憶啦!
跟住出左去出面之後, 總共有二個侍應SERVE過我地, 一個就黑面0既.
我地叫左碟"擂沙湯丸"但等左二十分鐘都未黎, 就追下阿黑面侍應啦. 結果就突然彈個女仔出黎問 "你地係咪想打包呀?"
成件事九五搭八到頂點.
到差唔多食完, 有一對情侶係果度走出黎, 跟住我地聽到個男仔講"無野架, 完全無SERVICE之嘛"
差0既侍應我見唔小, 但可以成間野0既侍應都咁差我都真係第一次見.
食0既野. 當日點左幾樣
酸甜魚, 排骨菜飯, 青瓜, 素餃, 擔擔面, 松露春卷, 粉皮,擂沙湯丸
酸甜魚: OK
素餃: OK
松露春卷:好味
青瓜: 普通, 一條青瓜加醋囉.
排骨菜飯: 排骨OK, 菜飯爛到糊仔咁, 擺明煲果陣時唔識減小落水份量啦
粉皮:0的粉皮好粗糙, 可能有機掛...
檑沙湯丸: 垃圾. 好似人地買包即食湯丸叮熱後求其加0的粉入去.
擔擔面: 0的面梅0既.
結論係: 如果我七十歲,無晒牙, 應該會幾喜歡.
但重點係每樣野你都要預等二十分鐘先黎
尋日食足三個鐘. 我地最初點左4樣: 酸甜魚, 排骨菜飯, 青瓜, 素餃
佢黎左個青瓜,素餃之後半個鐘都無其他野黎過, 中間十五分鐘後有人黎收野, 之後一直都無人黎過... 跟住到我朋友黎,然後加左個粉皮, 同擔擔面.
然後佢淨係上左個粉皮. 跟住我地覺得唔對路, 唔通漏左毎個酸甜魚同排骨菜飯?
跟住追佢, 今次果個係黑面侍應, 佢見我地一追第一個反應就係 "追個擔擔面?" 我地答唔係 "仲有個魚同菜飯" 佢就哦, 之後走開.
然後再等, 差唔多又再十分鐘, 我地又再追, 飯次另一個男人黎啦, 佢就同我地講話"因為我地等你地食完頭盆先上主菜, 無漏單"
OK,中菜西食無問題. 但係又唔見其他枱係咁上法? 人地咪又係頭盆未收已經有主菜? 淨係我地係?
講真. 佢地根本就唔夠人手, 廚房出貨又慢, 我地尋日食足二個半鐘, 唔係因為我地食完唔走係度傾計, 係因為一直都等野食.
成日經過都好爆, 以為佢好好就試下啦, 點不知根本就係因為佢成間野都慢同遊魂.
係歐洲有0的CAFE0的STAFF 食完大麻做野都快過佢地, 又九唔搭八,0的野又難食.
是晚埋單每人三百幾.咁0既價錢. 我其實好想同佢個MANAGER講, 我覺得你地完全唔值得我俾加一囉. 但結果我都無, 因為眼見連0的MANAGER都唔知自已想點咁0既款.
如果你想有係香港有一種係歐洲(慢) 同中國(服務差) 0既DINING EXPERIENCE, 去呢度啦.
不過環境裝修, 係唔錯0既!
Post