Video
Read full review
2010-12-02
105 views
dept傳統，每年阿head都請食飯，由於今年十二月公司附近酒店buffet都加價，提前在今日食。舊年去公司附近m字頭酒店，一致讚好，今年貪得意改o黎呢度。(又附帶一提，佢係貴過m字頭間酒店)自問由三星級酒店食到五星級酒店buffet都食過，好多頭盤唔得，熱盤得，熱盤唔得都甜品得，甜品都唔得，起碼杯咖啡得。自問都唔係咁挑嘴o既人，去食自助餐總會搵到o野食。呢間號稱五星級酒店勁呀！無樣得，實在好難得。(最大件事佢仲要原價每位318lunch buffet)我唔講佢d位逼到嘔茄，唔講佢三舊幾水buffet得幾張枱，講o野食。刺身﹕五款，三文魚、八爪魚、北寄貝、吞拿魚同埋有隻有皮魚。三文魚﹕迴轉壽司貨色；八爪魚﹕同上；北寄貝﹕變變地色，我唔敢試；吞拿魚﹕d色一睇唔新鮮，咪搞。有皮魚﹕我唔食。另外仲有壽司，呀，大家注意喎，無冷麵無蕎麥麵喎！得一個手掌咁大o既壽司粒飯。轉過去睇睇個沙律吧，啦，我十二點半去到，佢生菜有兩款，之但係……得番好少，係少到見底！我之後再行多幾轉都無添！仲有少少頭盤，但係不知名到你唔想食，最奇特佢放o左兩隻碟(冷盤)，一盤牛展，ok，但係另一盤係雞—係bb雞囉！細隻到爆！
舊年去公司附近m字頭酒店，一致讚好，今年貪得意改o黎呢度。(又附帶一提，佢係貴過m字頭間酒店)
自問由三星級酒店食到五星級酒店buffet都食過，好多頭盤唔得，熱盤得，熱盤唔得都甜品得，甜品都唔得，起碼杯咖啡得。自問都唔係咁挑嘴o既人，去食自助餐總會搵到o野食。
呢間號稱五星級酒店勁呀！無樣得，實在好難得。(最大件事佢仲要原價每位318lunch buffet)
我唔講佢d位逼到嘔茄，唔講佢三舊幾水buffet得幾張枱，講o野食。
刺身﹕五款，三文魚、八爪魚、北寄貝、吞拿魚同埋有隻有皮魚。
三文魚﹕迴轉壽司貨色；
八爪魚﹕同上；
北寄貝﹕變變地色，我唔敢試；
吞拿魚﹕d色一睇唔新鮮，咪搞。
有皮魚﹕我唔食。
另外仲有壽司，呀，大家注意喎，無冷麵無蕎麥麵喎！得一個手掌咁大o既壽司粒飯。
轉過去睇睇個沙律吧，啦，我十二點半去到，佢生菜有兩款，之但係……得番好少，係少到見底！我之後再行多幾轉都無添！
仲有少少頭盤，但係不知名到你唔想食，最奇特佢放o左兩隻碟(冷盤)，一盤牛展，ok，但係另一盤係雞—係bb雞囉！細隻到爆！！
當日打電話去，佢話有生蠔、有龍蝦，係，有蝦，有龍蝦(仔)，長腳蟹都有少少，之但係，無味(如果咸味係味的話)，生蠔先最精彩，我以為係八十年代先至話要搶生蠔遮(的確舊年去m記d生蠔係有個師父不停開不停添，多到你唔想食)，點知呢度都要o架！之但係搶得到未必好喎，細隻都唔在講，痴殼兼有沙先出事，仲有喎，得檸檬咋，無果隻橙色汁，更唔好講話辣椒仔。
湯，兩隻，西湖牛肉羹同埋蕃茄xx湯，響咁o既情況下，算係咁。
芝士﹕我去好多間，d芝士款無十款都八款，佢…四款。
熱盤﹕剩講熱盤，我以為係去飲前果d cocktail，少得可憐，兼都係果句，你睇到d款，實在唔想食。(我有同事話d炒飯、炒麵ok，但係你唔係叫我三舊幾水o黎食炒粉炒麵o卦？)
粉麵檔﹕呢個一定要講，我見過最衰o既粉麵檔，起碼都幾款丸、肥牛，兩款菜咁呀，佢？得帶子、龍蝦丸、魚旦、菜就得菜心同九菜(真九菜！)，都算，佢滾好耐！結果條菜好老！帶子經已無味。
講起無味，一定要講肉檔，我終於明「雞有雞味」真係金句，佢羊髀無羊味，燒西冷無牛味，好似放舊唔知咩肉入口咁！
天婦羅，佢最貴果樣叫蝦我都預o左，又係無味！已經睇住佢新鮮炸起，真係我煮好味過佢！
咖喱，多款選擇，不過我唔食辣，但係附帶一提，佢d熱盤逼晒響門口一張細枱度，反而咖喱得到善待，有o野熱住。
好戲在後頭，甜品先扯火。喂，酒店甜品，唔係差成咁呀。款少我忍你，但係真係好難食…舉例佢有列係咖啡甜品，嘩！款款都無味，搞咩呀？我諗唯一可取係d…生果囉！(佢果d炒雪糕……喂！大佬呀，唔係求其搵d雪糕隊落舊乾冰度炒就得o架！)
今次自助餐，第一次由十二點半食到一點度已經無乜意慾食，更精彩係到點半，有個侍應走埋o黎問我地餐飲，ok，唔緊要，但係唔好收我地d刀叉囉！你叫我地叫o野飲，我地都未話食完！
餐飲，次次我都會叫熱咖啡，今次亦係，一般我嗅一嗅咖啡，因為雖然我唔飲黑啡，但係新沖出o黎咖啡係好香的，今次一嗅…出事！咩味？試一啖，剩苦味，加大量牛奶，無幫助。真係我響office沖d即溶咖啡都好過佢！！
呢間酒店，我地成個dept一致通過，試完，以後唔駛o黎！
係，順帶一提，由於唔係我俾，上司請，我唔太知最後幾銀，總之佢十一月(十二月加價)午餐就318一位加一，有某d白金卡就有折。(但係真係貼錢都唔o黎！)
(唔怪得一點多少少d人已走晒，同埋d伙計個個黑口黑面，問佢生蠔，黑住面話﹕開緊啦)
Post