124
67
38
| Restaurant: | Garden Cafe |
|---|---|
| Offer: |
Dine and earn miles at this Cathay partner restaurant ! Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
Video
Exit F, Admiralty MTR Station
continue reading
Telephone
28228890
Introduction
Garden Café offers a wonderful selection of Southeast Asian and Western cuisine. Dinner buffet features alfresco barbecue station, fresh seafood, crafted desserts, ice cream and many more. Fruit juice, soft drinks and selected beer can be refilled at all times.
continue reading
Good For
Special Occasion Dining
Additional Information
Garden Café offers a wonderful selection of Southeast Asian and Western cuisine. Dinner buffet features alfresco barbecue station, fresh seafood, crafted desserts, ice cream and many more. Fruit juice, soft drinks and selected beer can be refilled at all times.
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
About Reward Scheme
Offers
| Restaurant: | Garden Cafe |
|---|---|
| Offer: | Dine at partner restaurants and earn up to HKD4 = 2 miles as a Cathay member. T&C apply. |
|
Terms & Details:
|
|
|
|
新年過後，已經有好一段日子沒跟太太來個二人世界了。今次就選來了位於金鐘的香港港麗酒店的 Garden Cafe。無他，因為是地鐵站上蓋，搭乘東鐵線一定有位坐，真係方便到無朋友。自助晚餐由晚上6時30分至9時30分供應星期一至星期四：成人港幣$798 / 小童港幣$398星期五至星期日及公眾假期：成人港幣$838 / 小童港幣$438不過eshop官網經常有買一送一優惠話說對上一次光顧 Garden Cafe 已經好幾年前的事，今日再訪，環境變化不大，空間感依然闊落，看似擺放食物的地方不多，但只要細心一算，又的確不少，而且除了BBQ外，差不多是全意大利元素，又真係幾特別。海鮮湯煮波士頓龍蝦今次自助餐的亮點，一定是「海鮮湯煮波士頓龍蝦」，原隻開邊的“波龍”，配以用海鮮煮成的濃稠醬汁，內裡是新鮮青口及鮮魷魚段，用來蘸麵包又是另一種食法。另外，每天都有兩走精選的 Risotto 及 Pasta，很有al dente 的質感，相當對辦。海鮮有波士頓龍蝦、青口、長腳蟹爪及大蝦，種類不多，但以質素取勝。刺身有別於其他酒店的刺身，Garden Cafe 的刺身部分是經過優化了的。例如除了正常的吞拿魚外，更有燒吞拿魚。而三文魚就有紅菜頭醃三文魚及刁草三文魚，令味道與口感更上一層樓。BBQ至於另一亮點是戶外BBQ，現場所見，知道的人不多，大家記得走出室外睇睇，因為環顧附近幾間酒店，唯獨是得 Garden Cafe 有燒烤爐。而且食物種類勁多，計有羊架 、烤雞、菠蘿、粟米、豬頸肉、豬肉腸 、雞髀菇、肉排、蝦、三文魚、牛肉及豬肉串，師傅掌火啱啱好，帶焦香而不過火，單是BBQ每樣一件都半飽。同一個位置，仲四季風味薄餅、春季薄餅及意大利麵包。Carving Station當然，除了意大利菜，喜歡肉類的有燒牛肉及托斯卡納風味烤豬。湯類是意大利雜菜湯，清甜可口，雜菜豐富，趁熱飲最好。坊間一般自助餐，就算有既定主題，都會加入中菜元素，實在好難想像 Garden Cafe 竟然是全意大利菜上陣，愛吃西餐的朋友，肯定有滿足感。熱葷基本上都是意大利菜色，喜歡西餐的朋友絕對不會失望。打從入口處右手邊，便有意式肉醬千層麵、蘑菇松露焗面、奶油大通粉、羅馬式薯糰、拿坡里風味炸物拼盤、蒜醃炸魚及雜燴茄子。轉個彎的另一邊是辣味白腰豆、意式肉丸配辣番茄醬、意式焗蔬菜、蔬菜煎蛋餅、意式燉小牛膝、意式燴牛肚 、慢煮牛面頰及扒雜菜。麵及飯類做得正宗，個人推薦千層麵、蛋餅、肉丸及牛面頰。而燴牛肚口感好軟熟入味，處理得相當好。沙律想挑自己喜歡口味的，可以DIY沙律配以French dressing 、 Caesar dressing 或Italian dressing。至於已調配好的有醃鳳尾魚配紅洋蔥、地中海海鮮沙律、蟹肉沙律配車厘茄、三文魚伴回香沙律、章魚薯仔沙律、意式醃菜、醃製朝鮮薊、海鮮豆沙律以及烤意式青瓜。Cheese Station芝士種類特別多，芝士控的朋友一定不會失望。不單止有蕃茄水牛芝士及水牛芝士球，更有Provolone Cheese、Taleggio Cheese、Pecorino Cheese、Burata Pugliese及Scamorza，各有不同質感和味道，真心推介。Cold Cut當然是不了有意式肉腸、Speck Ham、Coppa和Finocchiona莎樂美腸。Dessert既然要歸一，所以甜品都是意大利口味。有朱古力泡芙、意式忌廉蛋糕、意式鬆子蛋糕、開心果奶酪卷、果仁脆餅及榛子奶凍。甜而不膩的開心果奶酪卷以及質感輕盈的棒子奶凍就最啱我同太太。當晚壓軸是送上個人最鍾意的甜品之一 Tiramisu，口感濕潤，置面的可可粉又夠甘香，正。果汁類有菠蘿汁及橙汁。若果你是喜歡純西餐或意大利風味的自助餐，相信 Garden Cafe 又真係好適合你。
continue reading
人人食嘢都有喜她好，要迎合到每個人嘅口味，話難唔難，話易唔易，不過，如果食自助餐就幾肯定可以滿足到所有人。是夜到訪「港麗酒店」嘅「咖啡園」，一於盡興食餐好嘅。之前都錯曾經嚟過，呢度最大賣點就喺個環境，雖然餐廳晌地庫層，但跟大堂天花連成一體，所以，空間感超強大，裝修簡約得嚟好雅致，感覺非常舒服。而且，啲枱亦特別大張，擺滿成枱嘢都唔覺逼，招呼又熨貼。目測所見，有啲似喺酒店住客，落嚟唔食自助餐都可以揀食晚飯，夠寫意嘛！所有食物都集中喺入門口右手邊嘅區域，有另一個即烤燒肉區，就由另一條通道出去、近泳池嘅戶外區。今次自助餐以「Festa Italiana」為主題，顧名思義，就喺一趟意大利嚐味之旅。星期一至四晚計，成人收$798，星期五至日及公眾假期成人收$838，另收10%服務費，官方網上商店訂購有85折優惠。麵包籃、沙律、海鮮吧、刺身麵包喺自助餐慣常供應嘅食物之一，旁邊仲有幾款預設好以海鮮為主題嘅沙律，如海鮮意粉沙律、地中海海鮮沙律、吞拿魚薄片沙律、鯷魚沙律、八爪魚沙律。再來就喺最回本嘅冰鎮海鮮吧，加拿大鱈場蟹腳、大蜆、新鮮波士頓龍蝦、大海蝦源源不絕供應，佐以幾款醬汁，如雞尾汁、檸檬牛油醬、紅酒醋，都幾特別。再過啲就仲有多款刺身：三文魚、吞拿魚、油甘魚……等等。飲品區菠蘿汁、蘋果汁都喺無限暢飲，飲得盡興；而另外加$120更可以無限添飲指定紅白餐酒及氣泡酒添。此外，餐後仲包一杯啡茶、檸茶、檸水，到臨尾食甜品時，襯番杯咖啡就最好喇。 沙律吧、意式芝士、意式冷盤另一邊廂，有多款新鮮沙律菜，排列整齊，配以法式、千島、意大利沙律汁、油醋，供客人自由配搭；而意大利嘅芝士及前菜向來甚具特色，好此道者就有福喇，今次提供嘅芝士款式超多，包括水牛芝士球、布拉塔水牛芝士、普內沃內芝士、佩科里諾芝士、塔雷吉奧芝士、煙燻水牛芝士、蕃茄水牛芝士……等等；還有其他蔬菜沙律及配料，如紅菜頭沙律、薯仔沙律、酸青瓜、蕃茄乾、醃製朝鮮薊、意式醃菜、紫洋蔥、花椰菜……等等。一口氣介紹咗咁多嘢，喺時候開餐啦，將沙律菜，以及多款預製沙律、意式冷盤嘢堆砌出呢碟色彩繽紛、開胃嘅頭盤，樣樣都有啲，夠晒多元化，更喺越食越開胃。再落嚟回吓本，食番碟凍海鮮，無論邊一樣海鮮，都食得出嗰份鮮甜味，仲帶有少少海水嗰份鹹鮮氣味。雖然話回本，都喺點到即止試少少，始終都仲有好多嘢想試。意大利風乾火腿風乾火腿喺意大利經典食材之一，晌食物枱就僻咗一角，擺放24個月巴馬火腿、傳統醃製嘅莎樂美腸，仲有意大利凍肉腸、風乾豬頸肉、煙燻風乾火腿。未試勻上述嘅食材，侍應都會先為每枱客人送上巴馬火腿拼蜜瓜，以及雞肝醬。鹹香嘅火腰腿搭上清甜嘅蜜瓜，幾時都喺咁夾，而雞肝醬未試過，薄對比鵝肝醬、鴨肝醬，味道絕不失禮，口感細膩，配意大利香草包，同樣好食。熱盤、即切烤肉、意大利麵、薄餅再一口氣介紹呢一邊L形長枱有啲乜，先講講熱盤，包括意式焗蔬菜、墨魚配檸檬香草、意大利香草粟米餅、慢煮牛面頰、焗烤千層茄子、意式燴牛肚、意式燉小牛膝、意式炒海鮮；再隔離就有兩款即切烤肉：托斯卡納風味烤豬及燒牛肉；最後一角，就喺自家製羅馬手切薄餅及手工意粉，包括有春季薄餅、辣肉腸薄餅、四式芝士薄餅、蕃茄水牛芝士薄餅、拿坡里風味炸物拼盤、貝殼粉、意大利燴飯、意式肉醬千層麵、羅馬式薯仔糰子、長通粉、芝士菠菜粗管麵……等等。利佛諾燉海鮮先特別介紹多少少呢道菜，因為喺主廚推介特別菜，每位客人獲享用一客。據師傅介紹，將多種海鮮食材，再加入蕃茄、紅酒、橄欖油、香草、調味料同煮，所以，味道濃郁，香氣十足。除咗青口、鮑魚粒，仲有落單時先煮嘅波士頓龍蝦，唔單止更有睇頭，啲龍蝦肉真喺超爽口，蝦味清甜，沾上汁底，食味一流，此外，搵啲麵包沾上醬汁更喺盡興。熱葷及肉類就吃得精一啲，托斯卡納風味烤豬咁具特色，用上多種意式香料醃製，當然要試試啦，皮脆肉鮮，配試搽咗莎莎醬嘅長法包，又喺另一番味道，而燒牛肉師傅話用上澳洲穀飼100日牛肉眼，富營養，具肉香，又切少少試吓。仲有試埋個牛面頰同埋燉小牛膝，都好好食，滋味無窮。講到意大利菜，點少得意大利麵，平常不外乎意大利粉、通心粉、長通粉，今次難得可以一次過試多幾款、又少遇上嘅意大利麵，例如薯仔糰子、粗管麵，再試少少傳統而正宗嘅羅馬風格長方形手切薄餅。整碟全澱粉質，樣樣試啲就好夠飽喇。戶外燒烤食完上面啲嘢，其實都已經好飽，不過，都仲想試試晌外面嘅戶外燒烤，無特別深究有啲乜，印象中好似有鱸魚、虎蝦、羊架、豬扒、烤雞、香腸……等等，同埋同款烤野菜、菠蘿。師傅不斷燒烤，不時發出火光熊熊，而煙燻香氣更四溢飄揚。呢部分最想食就梗喺羊架啦，再加埋啲鱸魚、虎蝦、香腸、菠蘿，又一大碟。熱焫焫入口，寧舍香口有風味，而羊架實在正，鱸魚嫩滑鮮甜，菠蘿燒過之後就特別清甜。意大利芝士餅接近尾聲，喺甜品嘅時間喇，如果講到意大利甜品嘅經典，相信非意大利芝士餅「提拉米蘇」莫屬。由侍應將一整盤意大利芝士餅捧出嚟，親自為每枱客人滔上，呢啲服務只喺晌高級餐廳先體驗到。講番件芝士餅，中間芝士層口感細緻綿密，手指餅浸透咖啡酒，既有酒香，又有咖啡香，再灑滿唂咕粉，好食。甜品區此外，出面食物枱仲擺放咗數款甜品，包括意式吉士撻、意式松子蛋糕、開心果奶酪卷、意式冧酒蛋糕配鮮忌廉、朱古力忌廉泡芙、沙巴翁配意式脆餅、榛子朱古力奶凍。雖然唔喺話超多款式，但夠晒俾我砌出一小份甜品拼盤，小弟就揀咗當中最心水嗰4款，食得出都喺高水準嘅出品。甜品時間仲未完，因為仲有可以隨時向侍應攞嘅Movenpick雪糕杯，共有4款，但因為前前後後食咗咁多嘢，都真喺好飽吓，所以，試番杯咖啡口味就好滿足喇。上文都講過，會包一杯餐飲，平常就大多數嗌杯咖啡嚟襯甜品，但今回吃得盡興，肚子撐得滿滿，就要杯檸檬茶嚟消消滯。雖然自助餐去到9:30pm，但之後仍可以慢慢坐，侍應都唔會催你走。加上佢哋好有禮，又好好招呼，收碟、補充食物都好到位，讓客人都食得好寫意稱心。順帶一提，凡晌生日月份內預訂自助晚餐，餐廳都會奉送迷你生日糕點一件。
continue reading
十二月聖誕自助餐第二擊就來到位於金鐘太古廣場香港港麗酒店的Garden Cafe咖啡園，老實說以前都和同事吃過好幾次buffet，對這裡早已不陌生。餐廳面積不算很大，但勝在樓底特高，提升空間感，環境開揚，落地大玻璃將日光引進室內，採光充沛。今次於Openrice訂座國際美食自助午餐亦可享有8折預付優惠，星期五至日成人每位連加一只需$448.2，自助午餐於下午12:00-14:30供應，可以不追不趕地食足2.5小時。如果你是追求大包圍甚麼款式都有的buffet，貴精不貴多的Garden Cafe應該未能投其所好，但吃得出製作認真和新鮮高質食材。冰鎮海鮮源源不絕地供應，refill 速度亦夠快，款式包括龍蝦鉗、鱈場蟹腳、青口和海蝦。即切肉類有兩款，包括即切燒牛肉和烤三文魚扒。以酒店buffet任食燒西冷來說，這裡的燒牛肉算是超水準，肉質鬆軟，牛味濃厚。熱盤包括香煎鱸魚、日式炸豬扒、印度咖喱雞、印度飯、芝士焗蔬菜千層麵、芝士焗薯、紅菜頭、意式燴牛肚、青口等等。中式熱葷有豉油雞、叉燒、燒鴨、蒸魚、魚香茄子、豉椒涼瓜炒牛肉、點心、上湯浸時蔬、燴伊麵、揚州炒飯，平時吃buffet總會略過燒味部，但這裡的叉燒竟有意外驚喜，色澤鮮亮，帶有焦香燶邊，肥瘦度適中。酒店自助餐中老是常出現的湯粉麵不見了，換成即煮手工意粉檔反而更能挑起我的興趣，備有多款手工意粉和三款醬汁自由選配。新鮮手工意粉與乾意粉最大的分別就是彈性中帶點煙韌的麵質，挺身富有Al dente咬口嚼勁，加上吸水力極強，因此極易掛汁。熱湯有中式排骨老火湯和南瓜忌廉湯，南瓜湯入口濃滑又滿有甘甜的南瓜味。魚生刺身有四款，即叫即切。壽司亦有六款。凍肉提供黑森林火腿、谷巴火腿、煙三文魚和刁草三文魚，三文魚脂肪條紋清楚利落，魚肉鮮嫩而有彈性。沙律吧有多款已經拌好的沙律：日式豆腐、茄子沙律、蝦沙律、藜麥沙律、薯仔沙律配脆煙肉、意粉沙律、南瓜沙律...加上新鮮沙律菜和醬汁，可隨個人喜好自行混搭。甜品大多是迷你size， 一口一件賣相精緻小巧，也可以盡情淺嚐多個款式。這天供應栗子撻、朱古力合桃布朗尼、芝士蛋糕、焙茶慕絲蛋糕、綠茶紅豆蛋糕、雜錦泡芙、焦糖燉蛋、提拉米蘇、椰香意式奶凍、意大利奶凍、烤肉桂梨脆餅和牛油麵包布甸。個人心水推介為焦糖燉蛋，燉蛋與熱糖衣呈現溫差的對比，用匙羹輕輕敲碎香脆金黃的外殼，裏面配上滑嫩的綿柔燉蛋，形成強烈對比。訂位時表明慶祝生日或週年紀念，就會送上蛋糕，是日款式為朱古力慕絲蛋糕，還會點上蠟燭，讓節日添上滿滿儀式感。吃到最後店員會送上Movenpick雪糕，總共有四款口味可選。飲品有橙汁和蘋果汁無限供應，可以隨時自斟自飲。除了果汁之外，每位附送一杯餐飲。
continue reading
結婚周年紀念，見Garden Cafe做意大利元素buffet, 未有得返鄉下住，用食物頂住先😌用openrice訂枱有優惠，兩位$1000鬆啲就攪掂，以晚餐自助餐，幾抵。食物款式唔算多，但質素均相當不錯。Meat cart除了有一般既燒牛肉同羊之外，仲有意大利燒豬，豬肉好滑好嫩，好食👍🏻每人一份既海鮮湯波士頓龍蝦，波士頓龍蝦帶有點點蘋果味，非常爽口，湯裏的魷魚亦非常有口感，單單這個湯已值回票價🤤平時食自助餐不掂粉麵飯既我，既然係意大利主題，無理由唔試意粉及燉飯，於是每款試少少。除咗個蘑菇燉飯較為出色，其他幾款：千層麵、貓耳朵、長通粉都只屬普通，個人覺得不試也罷！刺身類款式不多，不過紅菜頭三文魚幾出色，味道好夾，紅菜頭既味道，減少咗三文魚既膩感。用餐當晚餐廳非滿座，可能由於人手不夠，我們已經食埋侍應每枱派發既Tiramisu ，但依然沒有給我們領取波士頓龍蝦海鮮湯的小咭，須要另外提醒！不過訂枱時有提及慶祝周年紀念，餐廳有記低贈送蛋糕🙏🏻每人一份巴馬火腿蜜瓜，超好味👍🏻海鮮湯煮波士頓龍蝦個人覺得個卡普里朱古力蛋糕係是日甜品之星🤤凍海鮮類都非常出色👍🏻
continue reading
用左晚餐既買一送一優惠，唔洗$500人頭，我嗰日去入座率都唔高，但意式主題，真係好少嘢食，話有BBQ,其實都係得好少選擇，味道又普通，刺身又無，連甜品都得四五樣，水果已經係其中一種但係都係得三款，西瓜，蜜瓜同波蘿，我食嗰日係連雪糕都無，話哂都酒店，噤既食物，噤既選擇，建議大家去食放題。。。除咗環境贏，無一樣係吸引。。。好失望，好失望，好失望，大家可能要等下個主題先再考慮，不過其實真係大把選擇，大家考慮清楚
continue reading