茶木‧台式休閒餐廳 (Closed)

近年來台灣既美食不斷被人引入香港，先有貢X既成功，繼而有豪X大雞扒等等，不過都是一些在街上擺賣的小食。而今次要介紹的是一間正正式式的台灣餐廳，成為人氣爆燈，排隊排到腳軟先有得食的茶木－台 式休閒餐廳。 今日早左放工又見有少少肚餓，就同老婆去左位於尖沙咀加拿芬道二樓既茶木，試試佢地出晒名既厚多士。一上到去，以為要排長龍先有得食，誰不知得小貓三四隻，可能因為係時間太早，又過左午飯時間，所要等左唔先五分鐘就可以入場。 坐低左望望周圍環境，同個餐廳名一樣，以簡約既綠色，白色為主，梳化櫈坐得幾舒服。 睇睇菜單，點左個醬燒豬軟骨麵同埋個草莓香草蜜磚塊.個麵都幾好味，麵質彈牙，湯底又夠濃，豬軟骨真係夠晒軟，都帶八分，係個份量細左少少姐。 鬆脆既多士加上冰凍香滑既雪糕，甜得黎又唔膩，恰到好處，不過制作需時，要食好野就要叫定先。