海安咖啡室 (Closed)

呢間海安䇄立咗喺上環海邊幾十年，䇄立到依家連海邊都望唔到 lu，都仲咁思進取，仲有為餐廳加入新元素，抵讚。香蔥碎牛炒蛋厚多士，我係因為見到個炒蛋有咁多蔥而嚟呢間食嘅，個炒蛋的確做得唔錯，唯獨是係多士太厚令到麵包同炒蛋嘅比例唔係咁協調，攪到要餸塊咁厚嘅包唔係好夠味，如果多番啲碎牛又或者塊麵包薄番啲相信會更好。叉燒薑蔥香油撈麵，講到葱油撈麵不期然會攞佢嚟同蘭芳園比較，呢度唔夠蘭芳園咁香，蔥油亦都唔夠多，兩件名物都只不過過係平平穩穩，我諗應該無下次喇。不過不得不提姐姐服務勁好，茶餐廳咁嘅地方，酒店咁嘅級數。