Video
Read full review
2021-04-16
184 views
喺朋友嘅介紹下，今日收工就過嚟銅鑼灣呢邊同家姐食呢間之前從來都未食過嘅法日菜。睇完餐牌之後我哋叫咗6 Shades of Flavour 「Amuse Bouche」（$980+10%服務費）等食之際，服務員就為我哋送上🥖麵包、炸海苔、炸蓮藕片、甜蝦tart同番茄芝士餅作前菜，非常貼心，每款食物同紅白酒都係絕配。另外佢哋仲非常nice，每次當我哋食完曬麵包之後，佢哋就會主動offer我地，問我哋使唔使加麵包。剛好我哋姊妹倆都喺麵包控，🤣成餐飯足足refill咗三次，好開心❤。而佢哋嘅麵包一款係牛油麵包，酥香滿滿，另一款就係小法包，包味較重，兩者各有千秋。 「Le Rêve Caviar ” Secret ” ( + $ 188 ) 」主要材料：Iberico Ham，White Asparagus ，Citrus Puree 難得一次出嚟食好野，我哋就加咗少少錢試下我哋之前未食過嘅魚子醬，望住店員緩緩打開木製嘅夢幻盒子，再將佢放喺海鹽餐碟上，未食已經係一種視覺嘅享受。魚子醬漆黑亮麗，加上旁邊嘅紫色花瓣、脆米，同底層嘅白露筍及三文魚蓉，每啖入口，都感受到粒粒魚籽係舌尖湧爆，係一種奢侈得令
喺朋友嘅介紹下，今日收工就過嚟銅鑼灣呢邊同家姐食呢間之前從來都未食過嘅法日菜。睇完餐牌之後我哋叫咗6 Shades of Flavour 「Amuse Bouche」（$980+10%服務費）
等食之際，服務員就為我哋送上🥖麵包、炸海苔、炸蓮藕片、甜蝦tart同番茄芝士餅作前菜，非常貼心，每款食物同紅白酒都係絕配。
另外佢哋仲非常nice，每次當我哋食完曬麵包之後，佢哋就會主動offer我地，問我哋使唔使加麵包。剛好我哋姊妹倆都喺麵包控，🤣成餐飯足足refill咗三次，好開心❤。而佢哋嘅麵包一款係牛油麵包，酥香滿滿，另一款就係小法包，包味較重，兩者各有千秋。
「Le Rêve Caviar ” Secret ” ( + $ 188 ) 」
主要材料：Iberico Ham，White Asparagus ，Citrus Puree
難得一次出嚟食好野，我哋就加咗少少錢試下我哋之前未食過嘅魚子醬，望住店員緩緩打開木製嘅夢幻盒子，再將佢放喺海鹽餐碟上，未食已經係一種視覺嘅享受。魚子醬漆黑亮麗，加上旁邊嘅紫色花瓣、脆米，同底層嘅白露筍及三文魚蓉，每啖入口，都感受到粒粒魚籽係舌尖湧爆，係一種奢侈得令人著迷嘅華麗享受。
「Rose Wagyu Beef」
主要材料：Slked Japanese，Wagyu Beef，Truffle Emulsion
雪花分布平均嘅和牛，卷雜住清爽沙律菜，配上松露金箔醃白蘿蔔，再半浸於和牛凍湯內，入口牛脂味非常豐腴。
「Le Caille」
主要材料：French Quail，Smoked Cherry Tomato，Sake Soy Sauce
緊接落黎嘅就係呢個以清酒醃製過嘅鵪鶉，入口酒味濃郁，加上煙燻過嘅車厘茄，整個醬汁調味具特色，濃鹹甜度比例得當，仲有少少清新嘅西蘭花蓉作中和，無可挑剔。
「Morel」
主要材料：Fresh Morel，Hokkaido Scallop Miusse Slow Cooked Abalone Sauce
又係精緻得令人心醉嘅外表，椰菜卷內包住幼滑嘅帶子雞肉mousse，加上蘑菇鮑魚汁、鮑魚片同松露片，入口層次豐富，口感creamy中又不失椰菜嘅爽脆，再加上少少Mint 香同Abalone Sauce嘅鹹鮮味，無論視覺定味覺都令人為之折服。
「Surprise Dish 」
主要材料：Potato，Cherry Tomato，Truffle Emulsion，Chicken
廚師話呢個係每次都唔同嘅驚喜菜式，咁大個女第一次食到薯仔整嘅泡泡，食落去冇咗薯仔嘅飽綿質地，取而代之嘅係幼滑嘅濃郁薯味，仲有用玉桂烤焗過嘅紅蘿蔔，好有心思。而雞肉就非常嫩口濕潤，調味方面，則以西式嘅煙熏手法混合日式嘅甜醬油，將兩者味道交融底下，竟係意想不到嘅合拍，Fusion得令人驚訝廚師嘅創意。
「Kinmedai 」
主要材料：Pan Fried Kinmedai，Dry Horse Mackerel，Comte Cheese Foam
金目鯛刺身食得多，將佢Pan Fried嘅奢侈食法都真係第一次，表面香脆內黎幼嫩，加上櫻花蝦枝豆金菇同爽口萵筍作伴碟，自然嘅鹹香渾然天成。
「Dessert - Chef's surprise preparation 」
綠色嘅Sorbet以薑同羅勒製成，單食一開始唔係好習慣，但係神奇地只要將佢撈落白朱古力mousse，兩者就會變得極夾，again，燒腦嘅配搭，令人不得不佩服大廚確係創意滿分，而朱古力mousse中間仲有酸酸地嘅芒果啫喱中和甜膩，確係有Surprise。
「Migmardises」
表面有粒粒砂糖嘅紅莓軟糖，酸甜並在，質感扎實中不失柔軟。迷你朱古力卷則朱古力味非常濃郁，係苦感重嘅朱古力，加埋甜奶油，甜膩度不偏不倚，剛剛好。
Post
