Video
Read full review
2021-11-18
99 views
之前睇到人哋d相，見到呢間「何蘭正」玻璃上面嘅龍鳳貼紙，同埋鬼佬涼茶霓虹燈牌，玩味十足！實在俾佢有特色嘅裝修吸引咗，所以啱啱星期日就去食下野影下相~位置就喺蘭桂坊，星期日下晝嘅蘭桂坊唔會太多人，氣氛格局勁chill。員工熱情有禮貌，認真介紹各種菜式，見到佢哋笑容滿面，好似返工返到好開心咁～🔸爆炒本地鮮魷/海虎蝦/日本櫻花蝦燴稻庭烏冬配鰹魚牛油汁🔸見到個menu我以為我要選擇，但原來係上述食材全部有齊！好足料～個汁底蝦味濃郁，稻庭烏冬有口感食得出唔係cheap野，海鮮味道都好新鮮。🔸香煎五花肉 /Q彈花枝漿 / 飛魚籽糖醋汁 / 漢堡包 /是日沙律🔸 $128呢個burger set相當瘋狂，勁大份呀！飛魚籽糖醋汁係台式風味，有少少似沙嗲醬好惹味！五花肉肥瘦均勻仲要有兩大嚿，花枝漿即係墨魚餅一大塊勁厚，個burger太厚，要分層食先解決到佢😛仲要配埋沙律🥗一定飽呀！🔸格子鬆餅/ 中式甘蔗年糕/ 是日風味雪糕🔸$98必點‼️ 鬆餅入口唔會一團粉咁，好鬆脆，入面夾心仲有中式甘蔗年糕！好特別，煙煙韌韌嘅口感又甜甜地，再配搭雲呢拿雪糕🍦焦糖香蕉🍌榛子醬，簡直美味極了！🔸椰青龍井冷泡茶🔸$58非常獨
位置就喺蘭桂坊，星期日下晝嘅蘭桂坊唔會太多人，氣氛格局勁chill。員工熱情有禮貌，認真介紹各種菜式，見到佢哋笑容滿面，好似返工返到好開心咁～
🔸爆炒本地鮮魷/海虎蝦/日本櫻花蝦燴稻庭烏冬配鰹魚牛油汁🔸
見到個menu我以為我要選擇，但原來係上述食材全部有齊！好足料～個汁底蝦味濃郁，稻庭烏冬有口感食得出唔係cheap野，海鮮味道都好新鮮。
🔸香煎五花肉 /Q彈花枝漿 / 飛魚籽糖醋汁 / 漢堡包 /是日沙律🔸 $128
呢個burger set相當瘋狂，勁大份呀！飛魚籽糖醋汁係台式風味，有少少似沙嗲醬好惹味！五花肉肥瘦均勻仲要有兩大嚿，花枝漿即係墨魚餅一大塊勁厚，個burger太厚，要分層食先解決到佢😛仲要配埋沙律🥗一定飽呀！
🔸格子鬆餅/ 中式甘蔗年糕/ 是日風味雪糕🔸$98
必點‼️ 鬆餅入口唔會一團粉咁，好鬆脆，入面夾心仲有中式甘蔗年糕！好特別，煙煙韌韌嘅口感又甜甜地，再配搭雲呢拿雪糕🍦焦糖香蕉🍌榛子醬，簡直美味極了！
🔸椰青龍井冷泡茶🔸$58
非常獨特嘅配搭，外表係漸層顔色，勁打卡！飲落竟然有啲似蔗汁嘅味道，又唔會太甜。
🔸Affogato Caramel | Ice-cream : Vanila 🔸$65
熱辣辣香濃咖啡配搭雲呢拿雪糕，倒入去一一刻太療癒了～飲得又食得！
各款菜式都相當特別，尤其中式甘蔗年糕格子鬆餅🧇真係入口難忘🥺環境又舒服好坐，空間感十足，下次要帶其他朋友去試多啲唔同嘅食物～
Post
