Video
Read full review
2023-02-04
5223 views
公司食飯同事book左呢間老字號諗住黎朝下聖，平時成日經過都覺得門面好有氣派，似高級中式餐廳，本身都有少少期待，點知食完係失望到極，未試過咁難食嘅飲茶😓先講啲味道正常（但完全稱唔上好食）嘅野：蝦餃，咸水角，笑口棗，蛋撻，海鮮焗飯（百幾蚊但大家樂嗰個好食過佢）。跟住講啲難食嘅：灌湯餃以為係平時食開一盅盅嗰啲啦咁嗌左6件，最尾黎左3籠，total 8件，係呀有2籠3件1籠2件，完全唔知點解，都算，咬落去個皮勁大陣塑膠味，入面無湯不特止，啲餡係一pat pat，勁酸嘅怪味，完全食唔落口……. 盛惠$88件😅 止裝睇番先知原來係呢到嘅special蟹粉灌湯餃，但完全無蟹味。之後呢個麻蓉奶黃包，一上檯見到隻碟係濕晒啲水浸住個包😓 完全唔對路，咁我就問下侍應叔叔咁樣濕晒浸住係咪正常，佢答我「咁佢係蒸架嘛」ok咁即管試吓佢個味點，一夾起見到個包或係浸到發漲晒變左白色，重點食落係酸餿味，一定係變壞左🤮🤮🤮然後呢個蟹粉伊麵，完全係無味，好似鹽都冇落一滴，蟹味更加唔使講，個麵仲要係淋到好似唔洗咬咁，唔通係迎合返佢嗰一大班熟客羣嘅口味lol 最後8個人埋單$2500，完全唔知食左啲乜，街坊茶樓好食好多倍😅
先講啲味道正常（但完全稱唔上好食）嘅野：蝦餃，咸水角，笑口棗，蛋撻，海鮮焗飯（百幾蚊但大家樂嗰個好食過佢）。
跟住講啲難食嘅：
灌湯餃以為係平時食開一盅盅嗰啲啦咁嗌左6件，最尾黎左3籠，total 8件，係呀有2籠3件1籠2件，完全唔知點解，都算，咬落去個皮勁大陣塑膠味，入面無湯不特止，啲餡係一pat pat，勁酸嘅怪味，完全食唔落口……. 盛惠$88件😅 止裝睇番先知原來係呢到嘅special蟹粉灌湯餃，但完全無蟹味。
之後呢個麻蓉奶黃包，一上檯見到隻碟係濕晒啲水浸住個包😓 完全唔對路，咁我就問下侍應叔叔咁樣濕晒浸住係咪正常，佢答我「咁佢係蒸架嘛」ok咁即管試吓佢個味點，一夾起見到個包或係浸到發漲晒變左白色，重點食落係酸餿味，一定係變壞左🤮🤮🤮
然後呢個蟹粉伊麵，完全係無味，好似鹽都冇落一滴，蟹味更加唔使講，個麵仲要係淋到好似唔洗咬咁，唔通係迎合返佢嗰一大班熟客羣嘅口味lol
最後8個人埋單$2500，完全唔知食左啲乜，街坊茶樓好食好多倍😅 極度失望嘅用餐體驗。
Post
