一入到去見到一人一格, 據說係令客人可以專心品嚐拉面既味道! 好有特色既設計!
自選選項, 可以揀湯底濃郁程度、油膩度、麵粗幼度等等
因為係第一次食, 所以所有野都揀左「普通」, 除左秘制醬汁加左2倍
湯底-純豬骨味完全無雜質! 飲落去有一股好似飲中式老火湯既一道氣咁, 好足料好濃! 非港式豬骨湯用湯包味精開出黎既味道可以媲美!!
麵- 揀左普通粗幼, 硬度中間, 所以恰度好處, 唔會太淋, 麵質方面同坊間果D 橡筋麵條好唔同, 感覺反而有D似蘭州拉面!!
叉燒- 肥瘦適中, 入口即溶
秘制醬汁- 撈埋一齊之後又另一個味道, 個人覺得秘制醬汁少D好味D, 唔係會太搶味!
溏心蛋-入口即溶!
