Santgria Kitchen

未食主菜，先嚟個餐湯！我哋揀咗羅宋湯，酸甜度平衡得好好，蔬菜燉得夠軟熟，飲落超開胃。🍲 另一碗酥皮忌廉湯 更加係港式西餐嘅浪漫！脹卜卜嘅金黃酥皮一切落去就散晒，浸埋香滑忌廉湯一齊食，係童年嘅味道！💯

招牌英國威靈頓牛柳 果然名不虛傳！酥皮焗得金黃鬆化，輕輕一切，五成熟嘅牛柳呈現粉嫩色，肉汁鎖得好好，牛脂香氣十足，真係港式威靈頓嘅代表作！🥩 隔離份 深海比目魚配原隻大蝦 都好高質，比目魚外皮煎得微脆，大蝦爽口彈牙配意粉！

呢度食物質素對得住價錢，而且充滿懷舊氣氛，想「鋸扒」又想回味舊時，牛屋係唔錯嘅選擇！👍