牛屋餐廳

Open Now

Now Closed

今晚到佐敦這間以懷舊裝潢為主題的西餐廳吃晚飯，推門瞬間便感受到強烈反差——復古桌椅與琺瑯吊燈下，竟是一群年輕廚師在開放式廚房專注料理。這種新舊交融的氛圍非常特別。餐前麵包及湯隨套餐奉上的牛油餐包堪稱「溫柔的邪惡」，大大個的圓麵包烘得微溫，撕開時能聽見表皮細碎的脆響。師傅預先將冰涼牛油夾入麵包孔隙，上桌時已融化，出奇地好吃。搭配的羅宋湯以番茄酸甜為基底，清甜的菜與牛肉粒的醇厚相當夾。酥皮忌廉湯的酥皮焗得香脆，蘑菇與粟米的濃香隨熱氣蒸騰，脆皮蘸著綿密湯簡直是一種享受。招牌法式田螺螺肉飽滿彈嫩，以香草蒜油焗至表面微焦，底下墊著的薯蓉更好味！忌廉與薯蓉很輕盈柔滑中，還有焦香的邊緣，十分出色的田螺！德國蜜糖芥末燒豬手份量驚人！刀叉輕觸便發出清脆裂響。膠質層在唇間黏糯纏綿，瘦肉部位竟保持粉嫩多汁，秘製蜜糖芥末醬巧妙地以甜味引出發酵芥籽的辛香，化解油膩之餘更提鮮。 香煎比目魚配大蝦魚皮煎出金黃紋理，魚肉很滑。原隻開背虎蝦爽脆鮮甜，佐以酸度明亮的油醋沙律，非常好味！驚喜的是，年輕團隊對傳統西餐的重新演繹。味道口感令人眼前一亮。

今日去左佐敦一間舊式西餐廳. 單係個招牌門面嗰種懷舊味. 就令我諗起 細個老豆帶我去鋸扒. 超開心. 宜家呢類低調又平實嘅小店真係越來越少了. 英式雜扒配飯  -   羊架, 牛柳, 豬扒, , 腸仔, 煙肉, 太陽蛋. 份量超巨 !  羊架  一D都唔膻, 肉超嫩火喉剛好, 好入味.  牛柳  - 有牛味. 唔鞋好軟淋 豬扒,腸仔, 煙肉   - 正常發揮.好食.  煙肉微焦香口, 成個雜扒都好高水準,  最驚喜係有羊架！羊架真係好好食.  下次我會單點羊架，。配埋個羅宋湯，完全係80-90年代港式西餐回憶！招牌英國威靈頓牛柳+薯菜  本身呢個威靈頓牛柳唔係間間餐廳會做.  因為工序多,難處理 . 有做的都要預先訂.   但牛屋呢到竟然隨時可以order, 可見佢地廚師幾有料有信心.  香脆既酥皮，內裡包住呢件超juicy 既牛柳. 熟度剛好，嫩滑多汁. 真係一路食一路讚.配咗沙律菜及大量既粗炸薯條，好大滿足  沙律菜仲加左D 醋，薯條香脆, 好正! 每個套餐都跟埋餐包餐湯個餐包好鬆軟， 微熱 ， 內裡夾左牛油非常好唔使自己搽。羅宋湯好足料， 少少酸微辣開胃 。 朋友加錢要酥皮忌廉湯

餐廳散發著舊式港式扒房的獨特韻味，深色木質裝潢、柔和燈光，重現了八、九十年代西餐廳的風華。🍅羅宋湯湯碗內滿滿的蔬菜粒同燉煮得軟腍的牛肉粒，每一啖都能吃到豐富的食材。湯底酸甜度平衡得頗好，濃郁開胃。🍲酥皮忌廉湯酥皮烘烤得金黃蓬鬆，單食香脆，浸入湯中則增添濃郁口感。忌廉湯本身濃稠度適中，口感順滑，帶著奶香同蔬菜甜味。🥩招牌英國威靈頓牛柳 金黃酥皮包裹著厚實的牛柳，賣相傳統吸引。叫左五成熟，切開內裡呈現漂亮的粉紅色澤，肉質整體軟嫩多汁，火候掌握得好好。酥皮香氣十足，層次分明。🐟深海比目魚配原隻大蝦深海比目魚柳份量足，魚皮微脆，魚肉雪白細嫩。原隻大蝦肉質新鮮彈牙，簡單的調味就已經突顯鮮味。🍟兩個套餐所配的薯條，脆口惹味，外皮金黃酥脆。🌟餐廳充滿懷舊氛圍、食物份量實在充足，風味傳統，更有一份濃濃的香港情懷。

招牌英國威靈頓牛柳🐮$238呢個威靈頓牛柳真係幾有驚喜😋叫咗五成熟，切開見到粉嫩嘅肉質😌外層酥皮焗得金黃香脆😆包住蘑菇醬同埋火腿，口感層次豐富😌牛柳肉質軟嫩，牛味濃郁🥳配上酥皮一齊食，真係好正😜跟餐有薯條同沙律菜🍟薯條炸得脆身，沙律菜新鮮爽口😙仲有碗羅宋湯，酸甜開胃，唔會太膩😇香煎比目魚扒配原隻大蝦🐟$198比目魚扒煎得啱啱好😇外皮香脆，魚肉嫩滑，一啲都唔腥😏原隻大蝦爽口彈牙，鮮味十足🦐加上燒汁夠惹味😜同樣跟咗薯條同沙律菜🥗另外加咗$18升級酥皮忌廉湯🍲酥皮浸落湯度吸滿忌廉香😌忌廉湯香滑唔膩😚加埋牛油包熱辣鬆軟，配湯一流🍞

❇️今日同阿仔去咗佐敦吳松街143號地舖嘅「牛屋餐廳」食西餐，試咗兩款招牌菜，整體來講幾有驚喜！ 首先係**招牌英國威靈頓牛柳餐（$256）**，牛柳叫咗五成熟，切開見到粉嫩肉色，肉汁鎖得好好，酥皮金黃鬆化，同埋蘑菇醬好夾！薯菜份量足，焗得香口。個**酥皮忌廉湯**同**牛油餐包**真係要讚，熱辣辣上枱，湯夠creamy，餐包外脆內軟，蘸湯食超正！凍檸茶甜度剛好，夠晒解膩。 阿仔嗌咗**英式雜扒餐（$178）**，豬扒同雞扒都煎得香口，腸仔就普通啲。意粉軟硬適中，**羅宋湯**酸甜開胃，仲有粒粒蔬菜，熱檸茶就正常發揮。 服務幾好，上菜快，環境乾淨坐得舒服，呢個價錢算係高CP值！一定會再幫襯～ #牛屋餐廳 #佐敦美食 #威靈頓牛柳 #西餐推介 #香港食評 #foodiehk #相機食先 #熱辣辣 #抵食之選

一入舖頭已經感覺好溫馨好似當年考得好或者過節爸爸媽媽就會帶我去据扒嘅地方百零二百蚊已經食到set經濟實惠餐目種類都幾吸引餐包已經塗定牛油食起上嚟好方便都幾貼心紅湯好抵大大碗又夠鮮同多蔬菜主食亦好大份乎合街坊口味豬手唔會太熱氣調味適中而配肉嘅蜜糖汁真係好原汁原味一咸一甜一食再食威靈頓牛扒外皮不會太厚切開薄薄塗一層鵝肝醬同有煙肉5成熟的肉非常粉嫩意粉配上自家製醬汁番茄味十足本身仲想叫多個田螺架但因為2個女仔食飽咗唯有下次再過嚟食啦

🐱呢類懷舊西式餐廳愈來愈少，牛屋係佐敦屹立50幾年是有原因的🤭食物款式多而且價錢唔算貴，值得一試🥳今次叫左兩個套餐，每個套餐有：1）主食2）雜菜3）白飯、意粉或薯條4）羅宋湯或忌廉湯5）牛油餐包1️⃣套餐一德國鹹豬手配蜜糖芥末汁：$238🌕🌕🌕🌕/5🐷豬手超大隻，而且即炸，熱辣辣😗外面層皮好脆而中間啲肉係好嫩滑😍點埋秘製蜜糖芥茉汁非常夾🥖中間已經搽滿咗溶左既牛油，上枱時仲暖暖地🤓轉酥皮湯：加$18🥣非常推薦大家加錢轉酥皮湯，非常出色😍2️⃣套餐二英式雜扒：$238🌕🌕🌕🌕/5又係超大份😍羊架好大舊，平時冇食開羊都接受到😍而豬扒都煎得岩岩好🥸個汁係重蒜蓉味嘅茄汁，撈飯食超開胃🤤招牌德國鹹牛脷：$68🌕🌕🌕🌕/5肉質好淋😜完全唔會乾身，點埋個芥末醬超夾🥳

中佐敦懷舊吃扒西餐廳 ✨🐮今次來到佐敦一家懷舊風格嘅西餐廳——牛屋餐廳，真係充滿了舊香港味道，食物又大份，性價比高，非常推薦！招牌威靈頓牛柳 $238呢個菜式真係必食！威靈頓牛柳外皮酥脆，裡面嘅牛肉熟度剛好，嫩滑多汁，再加上香濃嘅醬汁，味道一流，讓人回味無窮！英式雜扒 $178如果你想試多款肉類，英式雜扒係個好選擇！裡面有多種肉類，包括豬扒同埋羊扒，仲有牛扒，配搭一啲香料，味道非常入味，配上雜菜或薯條，真係食到滿足！所有主菜都可以配有雜菜、白飯、意粉或薯條，仲可以選擇羅宋湯或忌廉湯，想升級至酥皮湯只需加$18，值得一試！法式焗田螺如果你鍾意海鮮，法式焗田螺一定要試！田螺肉質鮮嫩，加上香蒜醬焗製，味道十分濃郁，令人一口接一口！

介紹返💁🏻‍♀️。。🇭🇰 港式西餐廳 在佐敦 🇭🇰。牛屋餐廳 Santgria Kitchen 。吳松街143號地舖。招牌法式焗田螺 French Baked Escargots。HKD68 + 10% @ 6pcs德國咸豬手配蜜糖芥末汁Crispy German Pork Knuckle w/ Honey Mustard Sauce。HKD238 + 10%香煎比目魚扒配原隻大蝦Seared Sole & Tiger Prawn w/ Unagi Sauce。HKD198 + 10%🤫 難得腳仔尋晚早放工..話決定帶我出去佐敦一間佢社交平台碌到嘅舊式西餐廳撐吓枱腳👩🏻‍❤️‍💋‍👨🏻拍吓拖仔～🤫 講緊嘅就係呢間位於佐敦吳松街中間一個唔係好顯眼嘅位置..細細一間嘅港式西餐廳..個名叫做牛屋🐮🤫 牛屋唔係大舖頭..座位密密地都幾有氣氛..高峰期坐滿可以招呼到廿零個食客..微黃嘅燈光配深色系嘅枱凳..仲有牆身一係列老派裝飾物..整個裝修設計充滿時日嘅痕跡⏳即刻有種回到八九十年代..細細個父母親大人帶我哋出去食大餐嘅味道🫶🏻🤫 雖然間餐廳叫做牛屋..但係抽起條筋兩個人仔都唔想食牛🤪最後飯腳仔要咗

今次去佐敦吳松街嘅「牛屋餐廳」食晚餐，呢間街坊小店竟然有超正宗嘅威靈頓牛柳，仲有好多懷舊西餐選擇，價錢仲要好貼地！🥩 招牌英國威靈頓牛柳套餐 ($256)酥皮一cut開就知有料到！入面塊牛柳仲係perfect粉紅色，肉汁夠肉味重。個酥皮焗到金黃色，層次豐富而且份量大大舊好好食～值得一提，佢個燒汁超有水準！✨ 套餐包括：✔️ 酥皮忌廉湯酥皮浸落湯仲惹味！✔️ 薯菜薯條量多而且即炸外脆內軟！🍖 英式雜扒配飯 ($178)懷舊感爆燈！雜扒種類多：-羊架好入味同嫩滑，而且唔膻- 牛柳肉質唔會鞋有肉味- 豬扒有驚喜醃得夠入味- 腸仔夠香口，仲要有兩條- 太陽蛋同煙肉兩樣同樣微焦夠香口配埋個羅宋湯，完全係80-90年代港式西餐回憶！必食小食：招牌焗法式田螺 ($68/半打)每隻都塞滿蒜香牛油同香草味。最正係個薯蓉，索晒啲牛油精華，冇得輸！☕ 飲品- 凍咖啡：茶記級濃郁，唔會水汪汪- 凍檸茶：正常發揮，甜度剛好牛屋絕對係佐敦隱世寶藏！威靈頓牛柳水準拍得住高級餐廳，但價錢親民到笑。特別推薦俾想食西餐但又唔想捱貴價嘅朋友！🐮✨（P.S. 餐廳小店座位有限，想食威靈頓牛柳記得預早打去留定啊！）

威靈頓牛柳 $256做得幾正宗, 酥皮焗得香脆, 切開見到七成熟嘅牛柳色水都剛剛好, 肉質嫩滑唔會太乾。配埋個酥皮粟米忌廉湯同埋意粉, 份量夠晒飽肚, 味道算好出眾 👍🏼BBQ醬燒豬肋骨 $213醬汁甜得嚟帶少少炭燒香, 肋骨肉煮得夠淋, 一咬落去就離骨。跟嘅薯菜同羅宋湯都好足料, 整體算做得唔錯。 如果想食威靈頓牛柳, 最好預多少少時間等, 因為即叫即製, 而豬肋骨就可以快少少上枱, 餐前個餐湯再配上個牛油麵包, 真係好有童年回憶。

估唔到佐敦呢間老字號西餐廳，竟然係好多年輕人去拍拖食飯嘅好地方，食完覺得自己都年輕咗🤣招牌焗法式田螺（半打）依家唔係好多西餐會有嘅頭盤，田螺肉質鮮嫩，薯蓉creamy有香濃的蒜香奶油。羅宋湯酸甜適中，湯底濃郁，配料足夠。酥皮忌廉湯酥皮香脆，加入咗酥皮，粟米忌廉湯嘅味道昇華咗。招牌英國威靈頓牛柳 (五成熟)外皮酥脆，五成熟牛柳肉質鮮嫩多汁，加上鵝肝醬及火腿，口感層次豐富。英式雜扒（羊架、雞扒、牛扒、火腿及腸仔）好罕見地雜扒入邊會有羊架！羊架的香氣濃郁，雞扒皮脆肉滑，牛扒美濃肉嫩，加上沙律嘅清新，及香脆嘅薯條，非常滿足。

今日搵食搵到去佐敦。。。一講佐敦大家一定諗起澳牛🤔平時經過見到有間舊式扒房終於今晚可以去食据扒晚餐🍖🍽️呢度既套餐超抵食，份量十足，大份扒餐平均都係150 - 200蚊左右，非常相宜， 每份主菜都配餐湯，餐包，絕對垠超值😋😋1. 招牌英國威靈頓牛柳+薯菜 💰$238 超鬆軟既酥皮，配juicy 既牛柳就成為威靈頓牛柳。呢個唔係間間餐廳都有得食，亦有d 餐廳要預約，牛屋就隨時都可以order😋配咗沙律菜及大量既粗炸薯條，好大滿足🥰2.德國蜜糖芥苿燒豬手 💰$238 同樣大大份，豬皮香脆，但豬手肉質保持嫩口，呢度既秘製蜜糖芥茉醬好正，有蜂蜜味為主，將豬手味道昇華咗另一層次👍🏻👍🏻3. 招牌焗法式田螺 💰$68 (半打）焗咗既田螺好香，仲有伴住薯蓉一齊食，好creamy 4. 酥皮忌廉湯 +💰$18每份主菜都配餐湯，餐包及餐飲餐湯可+$18 升級為酥皮忌廉湯，絕對要加👍🏻👍🏻5. 羅宋湯正常水準整體而言，懷舊之餘又大份抵食，店員們仲好型🤩🤩🌟另收加一服務費🌟

佐敦有一間90年代風格舊式扒房價錢唔貴仲好低食添煙肉蒜蓉焗青口$68青口唔會焗到好乾身，加上蒜蓉夠惹味，薯蓉creamy，煙肉香口。 德國蜜糖芥末燒豬手$238原隻豬手超大份，覺得其實係2人份量，配埋薯條勁飽肚，豬手皮焗到香脆，肉質軟腍容易切，搭配蜜糖芥未汁，蜜糖比例多D，所以會潤D，食落就冇咁熱氣。英式雜扒$196雜扒有: 羊架、豬扒、牛扒、煙肉、腸仔、太陽蛋，另外揀咗配薯菜，份量真係好多每一個套餐都會跟埋餐包同餐湯餐包烘過，牛油夾左係包中心好方便。羅宋湯超足料，味道甜甜酸酸微辣好開胃。酥皮忌廉湯，係粟米蘑菇忌廉湯，酥皮即叫即焗好脆，好飲

充滿復古情懷，食物質感同味道都好有驚喜湯底用番茄熬成，酸甜濃郁，帶點蔬菜嘅清甜，飲落暖胃又開胃。酥皮烤得金黃鬆脆，輕輕一敲就碎，露出下面濃郁嘅忌廉湯，奶香四溢，入口順滑又暖心。餐包烤得微脆，夾著厚厚嘅牛油，入口滿滿奶香同麵包嘅軟熟口感。單食已經好正田螺肉嫩滑彈牙，配上濃郁的薯蓉，焗得香氣撲鼻，入口滿滿蒜香同草本味威靈頓牛柳係全場MVP！牛柳煎得肉汁鎖得住，嫩到入口即化，牛肉香濃郁。外層酥皮烤得金黃脆卜卜，裹住芥末同火腿，味道層次豐富，切開一刻仲有陣陣香氣！食落好似喺高級西餐廳咁享受，絕對係必點之選！德國燒豬手好正！外皮烤得香脆，咬落喀滋喀滋，內裡豬肉軟嫩多汁，肉香十足。蜜糖芥末醬甜中帶點微辛，塗喺豬手上好提味，食落好有德國啤酒屋嘅豪邁感！份量夠大，食完超滿足