地點：佐敦白加士街
菜式：上海菜
餐牌：生煎包類、新品推介、菜飯、湯麵、拌麵、蟹粉、小食、涼拌、小籠包、飲品，皇牌套餐。落單掃QR code。
原味上海小籠包 $40
一籠四隻原味上海小籠包，熱辣辣蒸起。皮唔算厚，入面好多汁，肉都好鮮。
招牌炸豬扒 $28
招牌炸豬扒一開8件，炸得外脆內嫩，啖啖肉，都好香口。兩個人分剛好。
麻醬青瓜雞絲粉皮 $45
麻醬青瓜雞絲粉皮好大碗。粉皮份量最多，質素正常。加有幼條青瓜絲同鹹香瘦雞絲，面頭加上白芝麻粒。叫左麻醬另上，自己加最好。
豆漿任飲，夠濃厚滑溜，豆味剛好又唔太甜，好解渴。
呢間店位置方便好易搵，鋪位就细啲，平日兩點後都好多人。快捷經濟好味又一餐。
