同屋企人經過佐敦，兩老都想飲茶就試咗呢間老字號酒樓「新新酒樓」🥢 位於莊士倫敦廣場11樓，環境闊落坐得舒服，點心即叫即蒸👍🏻
🔹花膠瑤柱灌湯餃 🥟
真材實料！湯汁鮮甜，成塊花膠加大大隻湯餃非常吸引，湯餃餡料豐富，瑤柱絲增加鹹香。
🔹鮮奶蛋撻仔
熱辣辣出爐，蛋漿香滑唔會太甜，牛油香氣勁濃，細細件一個人食兩件都得😋
🔹Xo醬炒腸粉 🌶️
腸粉炒到好香鑊氣！腸粉炒得乾身唔油膩，XO醬微辣惹味，加咗豆芽韭菜增加口感👍
🔹山竹牛肉球 🐮
牛肉嫩滑唔會韌，牛肉香味濃郁，點喼汁食最正！
🔹蟹籽燒賣皇 🦀
燒賣食落有咬口，蟹籽卜卜脆，頂頭有隻大蝦仁，蝦仁嫩滑。
🔹蜜汁叉燒腸
腸粉皮薄滑溜，叉燒餡足料，豉油唔會太鹹剛。
🔹咖哩土尤 🦑
咖哩香濃唔辣，土尤爽口彈牙！
🔹椰汁馬豆糕 🥥
甜品壓軸～椰汁味濃，馬豆煮得軟硬適中。
