都幾多餐廳可以選擇
一入門口離遠已經見到呢間意粉狂熱
晚餐有好多款套餐可以選擇～
但我地既想自由啲咁揀多啲嘢食
又想飲湯同飲品～
所以見到只要叫主食就可以加錢升級做套餐！
實現晒我地所有願望！
🎃香濃南瓜忌廉湯
南瓜香甜忌廉濃郁～飲完暖笠笠
🧅法式芝士洋蔥湯
湯頭香濃同洋蔥嘅甜味做到味道平衡
仲配咗塊烤到香脆嘅麵包～滿足
🥗香草烤雞凱撒沙律
生菜爽脆～雞肉質鮮嫩多汁
配埋凱撒醬好又清新又開胃
🥓芝士煙肉焗薯皮
薯皮外脆內軟
濃郁芝士同鹹香煙肉好夾
每啖都好滿足感
呢兩份前菜都好吸引～
跟住就到主菜啦～
🍕美式辣肉腸披薩
有前菜又有湯 所以我哋叫左份細嘅
一客切左三片 份量啱啱好
薄底披薩加香辣肉腸片～
口感酥脆～辣味適中～更惹味
🦀軟殼蟹配蕃茄濃汁鮮製意粉
軟殼蟹炸到外脆內嫩
手工意粉吸收晒蕃茄醬嘅濃郁
大大碟而且味道鮮美～令人胃口大開！
🍰自家製提拉米蘇
好香咖啡同可可味！
浸滿炭燒咖啡同香甜咖啡利口酒嘅手指餅層次分明
加埋香滑厚重嘅軟芝士
口感綿密不膩
令人心滿意足，完美的甜品收尾
🍹跟餐飲品：
橙汁、凍檸檬茶
清爽解膩
1
