Video
Read full review
2021-04-29
192 views
最近食多咗，要減肥，朋友推薦食少d澱粉質，話瘦得好快試下囉。車仔麵原來叫淨餸唔要麵已經做到，咁都唔難啫，就算返工要出街食lunch都唔會影響要瘦就要多食菜，呢碗生菜好大份啊，大大塊菜，少少油，望落令㕸㕸淨餸揀咗腩汁，唔想咁清淡。但原來d餸每款都好好味，味道上獨當一面，唔洗靠湯腩汁少少偏咸d餸雖然全部都係$10/份，但份量都唔同的豬紅 有好幾舊，係邊爐必備。豬皮 有好幾塊，幾夾脆，平時好少機會食到蘿蔔，有3大舊，好淋，勁入味！超正！濃汁香菇貢丸 係見佢加咗濃汁兩隻字先有興趣，咬落超彈牙，咬開見到d肉一層層千絲萬縷咁，超juicy!!!咖喱魚蛋 唔係幾食到咖喱味，可能因為外層炸過，唔吸汁。平時好少食魚蛋，都係食燒賣多，因為怕有骨。呢款真係完全無骨又無陳皮，正。炸過勁香口大腸有好幾塊，以前掃街必食炸大腸，而家唔掃街都好少會食到豬雜了兩粒魚皮餃，雖然入面係滿滿嘅豬肉，但得兩粒，點都覺得唔抵炸魚皮用膠袋綁好，另上，鐘意就咁食或都逐塊浸湯食都得咖喱牛柏葉都幾辣，尤其佢好多摺痕表面面積大，沾到好多咖喱汁。食之前喺湯度涮幾下沖走部份汁食會好d五香牛腩最抵食！好多舊！好淋好入味！自己整都唔易，$10肯定
最近食多咗，要減肥，朋友推薦食少d澱粉質，話瘦得好快
試下囉。
車仔麵原來叫淨餸唔要麵已經做到，咁都唔難啫，就算返工要出街食lunch都唔會影響
要瘦就要多食菜，呢碗生菜好大份啊，大大塊菜，少少油，望落令㕸㕸
淨餸揀咗腩汁，唔想咁清淡。但原來d餸每款都好好味，味道上獨當一面，唔洗靠湯
腩汁少少偏咸
d餸雖然全部都係$10/份，但份量都唔同的
豬紅 有好幾舊，係邊爐必備。
豬皮 有好幾塊，幾夾脆，平時好少機會食到
蘿蔔，有3大舊，好淋，勁入味！超正！
濃汁香菇貢丸 係見佢加咗濃汁兩隻字先有興趣，咬落超彈牙，咬開見到d肉一層層千絲萬縷咁，超juicy!!!
咖喱魚蛋 唔係幾食到咖喱味，可能因為外層炸過，唔吸汁。平時好少食魚蛋，都係食燒賣多，因為怕有骨。呢款真係完全無骨又無陳皮，正。炸過勁香口
大腸有好幾塊，以前掃街必食炸大腸，而家唔掃街都好少會食到豬雜了
兩粒魚皮餃，雖然入面係滿滿嘅豬肉，但得兩粒，點都覺得唔抵
炸魚皮用膠袋綁好，另上，鐘意就咁食或都逐塊浸湯食都得
咖喱牛柏葉都幾辣，尤其佢好多摺痕表面面積大，沾到好多咖喱汁。食之前喺湯度涮幾下沖走部份汁食會好d
五香牛腩最抵食！好多舊！好淋好入味！自己整都唔易，$10肯定買唔到呢個份量，仲炆埋比你~
餐廳無杯裝水提供，焗住share杯蜂蜜柚子茶
自己唔太好甜飲，佢都沖得幾濃。
Post
