山旮旯 (Closed)

行經跑馬地，比一間餐廳吸引嘅地方呢，就一定係佢個名呀，最初真係連讀都唔識讀，仲要好低能咁樣查字典添。呢個位置真係幾山旮旯㗎，餐廳細細，唔算好多人，但係裝修呢就擺咗好多心思啦。餐廳你嘅裝修就俾人一種好年青嘅感覺，一睇個餐廳名就知佢有啲自嘲嘅成份啦！咁呢間餐廳除咗裝修之外食物都好緊要嘅，我今日叫咗一個漢堡包，個包塊肉唔會話好乾冇肉汁，而且份量都好充足，配埋薯條，都係$100左右，價錢都幾合理價。而且餐廳位置山旮旯，唔會話好多人好迫，係一個同朋友傾偈慢慢享受西餐嘅好地方。雖然山旮旯啲，但係疫情底下要做多啲運動㗎嘛，大家就行多幾步去試吓呢間山旮旯餐廳啦！