三川居酒屋 (Closed)

星期日同老豆撐枱腳，揀左黎銅鑼灣食飯。一出地鐵就見到呢間地底既三川居酒屋。就快halloween，呢度既裝修都已經超應節！背景播住輕快既日本流行曲。刺身二人盛（$300）擺盤打卡一流，全部厚切啖啖滿足！活赤貝爽口，甜蝦同帶子都非常鮮甜。劍魚腩，油潤帶酸。左口魚群邊，爽口，重油香。鰤魚腩，超肥美超有味！明太子蟹肉醬焗蠔肉蘑菇批（$98）呢個餐牌上面無既，賣相特別之餘，個味道同口感都好突出！明太子蟹肉醬下面係成隻蠔，用一隻大大隻既蘑菇盛載住，每啖都食到衝擊味蕾！食完都未夠飽，就叫左啲壽司，夠飽肚嘛。原來呢度都幾抵，每個價錢有兩件。我地叫左五款。分別係三文魚（$26）、醬油甜腐皮（$18）、燒玉子（$18）、蟹籽（$24）、八爪魚（$24）。蟹籽多到滿瀉。三文魚幾新鮮，軟綿綿仲帶甜。腐皮壽司都幾有驚喜，平時食開啲新派腐皮壽司有toppings，宜家食番個原始既三角腐皮壽司，每啖都係甜甜既腐皮好滿足。玉子超大塊。星期日中午好多人，氣氛熱鬧。