Video
Read full review
2025-04-16
761 views
朋友經常話北京樓北京烤鴨唔錯，最近工作忙，攰到唔想郁，又見外賣平台做緊特價，於是外賣咗佢哋嘅北京烤鴨、北京炒拉麵同埋銀絲卷。首先講烤鴨(半隻$285)，賣相真係幾吸引，切得整齊，金黃色嘅鴨皮望落去好脆。食落口真係有驚喜，皮脆之餘，啲鴨肉唔會太乾，有啲位仲幾多汁。不過有啲鴨件比較肥膩，食多幾塊會覺得有啲 heavy，唔係每塊都咁平均。另外，隨餐送嘅甜麵醬有啲過咸，少咗啲層次感，反而遮蓋咗鴨肉本身嘅香味。跟鴨送埋嘅餅皮都有驚喜，送到嚟都仲係熱辣辣，唔會乾或者太厚，包住鴨肉同青瓜、甜麵醬一齊食，非常夾口，成件事食落去更有層次感。順便試埋北京炒拉麵($173)，其貌不揚，以為係無落老揪嘅上海粗炒，但食落完全唔同，麵條口感煙韌，有嚼勁，幾特別。炒得唔算重味，唔咸，但食落去夠香，整體算係清爽路線，唔錯，食完唔會覺得膩。最後係銀絲卷($48)，當係飯後甜品咁食，真係幾好食。外層焗得金黃香脆，一咬落去有微微酥脆感，入面就夠晒鬆軟。跟埋煉奶，甜甜地好夾，食完一個都會想再食多個，啱晒當甜點收尾。總結：烤鴨值得一試，餅皮同炒拉麵都有水準，銀絲卷更加係完美收尾，整體搭配得好好，成餐食得滿足。下次有機會可以 d
首先講烤鴨(半隻$285)，賣相真係幾吸引，切得整齊，金黃色嘅鴨皮望落去好脆。食落口真係有驚喜，皮脆之餘，啲鴨肉唔會太乾，有啲位仲幾多汁。不過有啲鴨件比較肥膩，食多幾塊會覺得有啲 heavy，唔係每塊都咁平均。另外，隨餐送嘅甜麵醬有啲過咸，少咗啲層次感，反而遮蓋咗鴨肉本身嘅香味。
$285
299 views
0 likes
0 comments
跟鴨送埋嘅餅皮都有驚喜，送到嚟都仲係熱辣辣，唔會乾或者太厚，包住鴨肉同青瓜、甜麵醬一齊食，非常夾口，成件事食落去更有層次感。
197 views
0 likes
0 comments
順便試埋北京炒拉麵($173)，其貌不揚，以為係無落老揪嘅上海粗炒，但食落完全唔同，麵條口感煙韌，有嚼勁，幾特別。炒得唔算重味，唔咸，但食落去夠香，整體算係清爽路線，唔錯，食完唔會覺得膩。
$173
168 views
0 likes
0 comments
最後係銀絲卷($48)，當係飯後甜品咁食，真係幾好食。外層焗得金黃香脆，一咬落去有微微酥脆感，入面就夠晒鬆軟。跟埋煉奶，甜甜地好夾，食完一個都會想再食多個，啱晒當甜點收尾。
$48
1006 views
0 likes
0 comments
總結：烤鴨值得一試，餅皮同炒拉麵都有水準，銀絲卷更加係完美收尾，整體搭配得好好，成餐食得滿足。下次有機會可以 dine in 試埋其他菜式，應該會有更多發現。
Post
